„Го родив моето внуче“ – Жена од Австралија на 54 години беше сурогат мајка за ќерка си

Детали

петок, 21 јануари 2022

Жена на 54 години стана најстарата сурогат мајка во Австралија, откако ѝ го исполни сонот на ќерка си да стане мајка.

Мари Арнолд на 54 години беше сурогат мајка за нејзината 28-годишна ќерка Меган и со тоа стана најстарата сурогат мајка во Австралија.

Нејзината ќерка страдала од синдромот Mayer-Rokitansky-Küster-Hauser, што значи недоразвиеност или отсуство на матка, иако надворешно сè изгледа во ред. Состојбата ѝ била дијагностицирана на 17 години.

Така на 13-ти јануари Мари го родила своето внуче Винстон и ѝ го остварила сонот на ќерка си да се реализира во улогата на мајка.

Ќерка ѝ пред тоа се обидела со сурогат мајка од Канада, но за жал девојчето што го носела сурогат мајката починало во 21-вата недела од бременоста.

Но, за среќа, нејзината мајка на свет го донесе Винстон. Тој е здраво момче родено со царски рез.

Меган вели: „Ова е остварување на сонот. Кога го видовме, тоа беше љубов на прв поглед. Тој ни ги исполни срцата на начин на кој мислевме дека е невозможно. И јас и партнерот бевме присутни на породувањето.“

Мари (54) е мајка на 5 деца и работи на фарма. Таа вели дека породувањето било совршено и е воодушевена што го носела нејзиното внучето.

Фотографии од среќното семејство за време на бременоста:

С. С. | Црнобело