Спонзорирано од:
Спонзорирано од ОгласиЗаРабота.мк
Возач 08-08-2022
Технолог 08-08-2022


Сијамски близначиња успешно разделени со 10-часовна операција: „Ќе имаат долг и среќен живот“

Кога Меги и Дом отишле на преглед за да го дознаат полот на нивното бебе, лекарот им соопштил дека ќе имаат сијамски близнаци споени кај стомакот. Бидејќи дечињата имале две срца, околу една година откако се родиле им била направена 10-часовна операција со којашто биле успешно разделени.

sijamski-bliznachinja-spoeni-kaj-stomakot-uspeshno-razdeleni-so-10-chasovna-operacija-kje-imaat-dolgi-i-srekjen-zhivot--01.jpg

Во 20-тата недела од бременоста, Меги Алтобели и нејзиниот сопруг Дом дознале дека ќе имаат близнаци. Но, ехо-снимката покажала дека нивните близнаци се сијамски, односно споени кај стомакот.

„Сакавме да го дознаеме полот на едното бебе што мислевме дека ќе го имаме, но излезе дека ситуацијата е многу покомплицирана. Тоа беше надреално искуство“, открива Меги за магазинот Today.

sijamski-bliznachinja-spoeni-kaj-stomakot-uspeshno-razdeleni-so-10-chasovna-operacija-kje-imaat-dolgi-i-srekjen-zhivot-02.jpg

Меги и Дом биле исплашени, но лекарите им кажале дека иако нивните близначиња имаат заедничка дијафрагма и заеднички црн дроб, сепак имаат две срца. Поради ова, кај нив би можело да се направи операција за одделување.

„Нивниот заеднички црн дроб беше доволно голем за да се подели, па ова ги направи одлични кандидати за операција“, велат од болницата каде што била изведена операцијата.

Иако Меги и Дом биле пресреќни што ќе станат родители и ќе можат да ги оперираат нивните дечиња за да им овозможат подобар живот, сепак биле и преплашени.

„На почетокот беше навистина лудо бидејќи и јас и Меги бевме преплашени и не знаевме што ќе се случи“, вели Дом.

sijamski-bliznachinja-spoeni-kaj-stomakot-uspeshno-razdeleni-so-10-chasovna-operacija-kje-imaat-dolgi-i-srekjen-zhivot-06.jpg

Меги се породила во ноември 2020 година, а по раѓањетo близнаците поминале дури 10 месеци на интензивна нега за да бидат добро подготвени за операцијата.

Со цел да ја избегнат секоја можност за грешка, меѓу другото, лекарите направиле и 3Д модел на нивниот црн дроб и на него ја вежбале операцијата.

sijamski-bliznachinja-spoeni-kaj-stomakot-uspeshno-razdeleni-so-10-chasovna-operacija-kje-imaat-dolgi-i-srekjen-zhivot-05.jpg

Иако бебињата биле добро згрижени, 10-те месеци не поминале баш најлесно и имале неколку застрашувачки моменти.

„Кога Лили (едното од близначињата) беше вознемирена, почнуваше да го контролира дишењето. Поради ова, имаше ситуации каде што Ади (другото близначе) не можеше да дише бидејќи Лили беше вознемирена“, открива нивната мајка.

sijamski-bliznachinja-spoeni-kaj-stomakot-uspeshno-razdeleni-so-10-chasovna-operacija-kje-imaat-dolgi-i-srekjen-zhivot-07.jpg

Операцијата била изведена на 13 октомври 2021 година, траела дури 10 часа и, најважно од сè, била успешна. Бидејќи девојчињата напреднуваат добро, родителите решиле сега да ја споделат убавата приказна и со јавноста.

„Да ги видам со нивните посебни тела – беа совршени – беше неверојатно“, вели Меги. 

sijamski-bliznachinja-spoeni-kaj-stomakot-uspeshno-razdeleni-so-10-chasovna-operacija-kje-imaat-dolgi-i-srekjen-zhivot-04.jpg

Околу еден месец по операцијата, Меги и Дом конечно можеле да ги однесат нивните близнаци дома. Сега, повеќе од една година по операцијата, на дечињата уште им треба помош за хранење и дишење, но наскоро ќе го надминат и тоа.

sijamski-bliznachinja-spoeni-kaj-stomakot-uspeshno-razdeleni-so-10-chasovna-operacija-kje-imaat-dolgi-i-srekjen-zhivot-08.jpg

Според родителите, пак, иако повеќе не делат едно тело, девојчињата се мошне поврзани.

„Постојано гледаат една во друга, се насмевнуваат и си играат. Секојпат кога се една до друга ги подаваат рачињата за да се допрат“, вели татко им Дом.

„Овие девојчиња ќе имаат долги и среќни животи. Неверојатно е каков е животот“, вели мајка им Меги.

sijamski-bliznachinja-spoeni-kaj-stomakot-uspeshno-razdeleni-so-10-chasovna-operacija-kje-imaat-dolgi-i-srekjen-zhivot-03.jpg

Спирова С. | Црнобело

Би можело да ве интересира:

Девојка (23) и нејзиниот партнер (63) ја разбрануваа јавноста: „Ме разгалува со скапи подароци, сите... Вилоу (23) и нејзиниот партнер (63) се соочуваат со многу критики поради нивната...
Украинка (30) гордо ја носи седата коса долга 1,5 метри: „Ја мијам еднаш неделно, некогаш не ја чешл... Ана има 30 години и коса која почнала да ѝ побелува на само 13-годишна возраст. ...
„Работев напорно да ослабам, сега не сакам ниту да помислам да забременам и да добијам стрии“ „Самата помисла дека ќе добијам стрии и дека ќе се здебелам ме одвраќа од намера...

Најчитани неделава

sonovnik-sidebar.jpg