Девојка дошла бремена на Тиндер љубовен состанок – дечкото бил со неа на породување, го прифатил детето како свое

Детали

вторник, 22 февруари 2022

Алиса и Макс од Австралија биле на само три состаноци и се подготвувале за четвртиот, кога бремената Алиса почнала да чувствува болки и сфатила дека ќе се породи. На нејзиното големо изненадување, Макс ѝ помогнал да стигне до болницата и бил нејзината најголема поддршка.

На својот ТикТок профил, Алиса Хоџес од Австралија ја сподели интересната приказна од нејзиното породување и видеото веќе има над 1,3 милиони прегледи.

Во видеото објавено на почетокот од месецот, Алиса (20) открива дека со Макс Силви (25) се запознале на Тиндер и биле на три состаноци.

Пред четвртиот состанок, Макс бил на деловно патување, па Алиса требало да го земе од аеродромот. Но, пред да тргне, почнала да чувствува болки и сфатила дека наскоро ќе се породи.

@alyssa_jane01 Reply to @tiktokwontstop123 My tinder date was at my birth! ? #storytime #birthstory #pregnant #postpartum #birth #mumsoftiktok #motherhood #babies ♬ original sound - Lys

Макс веднаш нашол друг превоз до дома и потоа се упатил кон Алиса за да ѝ помогне да стигне до болницата. А, младото момче не само што ја однело, туку останало со девојката додека да ја пуштат од болница.

„Бев малку нервозна бидејќи бев сама и бев загрижена бидејќи да, ми требаше неговата поддршка, но се прашував што ако раскинеме за само една недела?

Се имавме видено само трипати. Не се познававме добро. Тогаш ни родителите не знаеја за нас. Но, на крај дојде со мене и всушност ми беше најголемата поддршка“, вели девојката.

Алис открива дека штом лекарите ја прегледале, утврдиле дека уште е рано за породување, па ја испратиле дома. Тогаш Макс дошол кај неа и останал да ѝ помага цела недела, односно додека да дојде време за породување.

„Цела недела бев кај неа и ја носев во болница кога имаше потреба од тоа“, открива младото момче.

Откако Алис се породила, Макс бил покрај неа неколку денови додека да ја пуштат од болница. Лекарите мислеле дека тој е таткото и често му се обраќале така, а според Алис, тој воопшто не се противел на тоа.

„Воопшто не се налути кога го нарекуваа татко. Едноставно, го прифати тоа“, вели девојката.

Слатката и необична љубовна приказна привлекла многу внимание во Австралија, па парот бил интервјуиран од популарен локален медиум.

„Знаевме дека си се допаѓаме и знаевме дека имаме силни чувства еден кон друг. Но, моето породување како да нè поврза повеќе. Сега кога помислувам на тоа, навистина сум среќна што тој беше покрај мене“, вели Алис.

Алис открива и дека кога го направил профилот на Тиндер била во седмиот месец од бременоста. На својот профил таа и го нагласила ова.

„Не сакав да лажам, па бев отворена и искрена“.

Макс, пак, вели дека штом ѝ го погледнал профилот, сфатил дека Алис е посебна девојка.

„Обично не би се впуштил во врска со бремена девојка, но имаше нешто посебно кај Алис“.

Парот уште е заедно и Макс ѝ помага на Алис во грижата за синчето. Тие планираат и наскоро да се вселат заедно. Не е познато кога точно се породила Алис, ниту кога се запознале со Макс, но најважното е дека и двајцата се пресреќни. 

„Мислам дека тоа што Макс беше присутен на породувањето ја зајакна и неговата врска со мојот син. Макс веќе е многу важна личност во неговиот живот, но уште подобро е што беше присутен на денот кога се роди“, вели Алис.

Спирова С. | Црнобело