Тажна реалност: Новородени бебиња преместени во засолниште, додека траат бомбардирањата во Украина (видео)

Детали

петок, 25 февруари 2022

„Новороденчињата на кои им е потребна интензивна нега се преместени во импровизирано засолниште од бомби“ – ова е видеото што масовно се шири од украинскиот град Днипро кој е еден од најпогодените во руската инвазија.

На социјалните мрежи вирално се шири видеото од новородените бебиња кои од одделот за интензивна нега во детската болница во Днипро биле пренесени во засолниште за време на бомбардирањата.

Видеото било снимено од страна на медицинските лица кои морале да се засолнат во подземните делови во болницата. На видеото може да се видат над 10-тина бебиња завиткани во ќебиња.

И во најтешките мигови медицинските сестри се посветени на грижата за бебињата.

„Ова е одделот за неонатална интензивна нега во засолниште од бомби. Можете да замислите? Ова е нашата реалност“ – вели д-р Денис Сурков, директор на неонаталното одделение при Детската клиника во днипропетровската област за New York Times.

Инаку, Днипро е една од најпогодените области во Украина што беа меѓу првите што беа нападнати од страна на Русија.

На социјалните мрежи се споделуваат и други видеа од граѓаните кои се засолнуваат од бомбардирањата во Днипро.

Погледнете дел од нив:

Б. С. Б. | Црнобело