„Го оставивме тато во Киев, може ќе треба да се бори“ – детенце од Украина низ солзи зборува за бегањето од војната (видео)
- Детали
- вторник, 01 март 2022
„Го оставивме тато во Киев. Ќе продава работи и ќе им помага на нашите херои. Mожеби дури и ќе се бори“, вели малото детенце низ солзи додека со семејството се обидуваат да избегаат на безбедно.
Голем број семејства во Украина се разделени. Додека жените и децата бараат засолниште, мажите остануваат да се борат и да помогнат како знаат и можат.
Досега видовме премногу трогателни видеа и фотографии од тажните мигови кога татковците, синовите и сопрузите се збогуваат со нивните семејства не знаејќи дали повторно ќе ги видат своите сакани.
А, секој ден се појавуваат и нови вакви видеа и фотографии кои само нè потсетуваат колку се ужасни војните.
За жал, децата страдаат многу бидејќи не можат ни да сфатат зошто нивните татковци остануваат и си го ризикуваат животот.
Неодамна, The Guardian сподели срцепарателно видео од детенце кое како многу останати морало да се збогува со неговиот татко.
Детенцето е во автомобил и, како што открива самото, со семејството пешачеле со часови откако го напуштиле Киев оставајќи го неговиот татко таму.
Низ солзи, малото дете открива дека се плашело дека ќе мораат да пешачат со денови, но за среќа некој им помогнал.
„Го оставивме тато во Киев. И тато ќе продава работи и ќе им помага на нашите херои, нашата армија. Можеби дури и ќе се бори.
Пешачевме околу три часа и вие нè спасивте. Мислев дека ќе пешачиме два или три дена. Мислев дека ќе одиме цел ден, но вие ни помогнавте“.
Спирова С. | Црнобело
Би можело да ве интересира:
Препорачуваме
Најчитани неделава
