„Луда среќа“: Маж од Њујорк вторпат во 3 години освојува 10 милиони долари на грепки - парите ги донира

Детали

вторник, 01 март 2022

За некои луѓе добивките на лото и грепки се нешто неверојатно, но овој маж од Њујорк најверојатно има „луда среќа“. Тој успеа да освои лото премија двапати во три години, a како што вели „сѐ уште ги троши парите од претходната добивка, а новата планира да ја донира“.

Хуан Ернандез во 2019-та година освоил 10 милиони долари гребејќи ја Спектакуларната грепка, а сега три години подоцна повторно на истата грепка освоил уште 10 милиони долари.

Ернандез од Њујорк одлучил парите да ги подигне веднаш, а по исплаќањето на задолжителниот данок му останале околу 6,5 милиони долари.

Во 2019-та година кога ја освоил добивката за првпат, тој рекол дека првото нешто што ќе го направи е да ја исплати хипотеката на куќата.

„Сѐ уште се обидувам да ги потрошам 10-те милиони што ги освоив во 2019-та година“ – вели тој.

Хуан, кој е разведен вели дека планира новата добивка да ја донира за семејствата што биле особено погодени од пандемијата, а дел од светските медиуми пренесуваат дека тој веќе донирал пари на семејства на возачи на камиони.

„Откако ни дониравте пари успеав да купам нов камион и повторно да почнам да работам по неколку месеци преживување“ – напишал возачот Весли Хантер од Тексас на Фејсбук страната на Ернандез, а пренесе Daily Mail.

Инаку, максималната добивка од Спектакуларната грепка е 350 милиони долари.

https://www.youtube.com/watch?v=ehD9bUKjnds

Б. С. Б. | Црнобело