Поранешна стјуардеса открива: 5 бизарни причини заради кои може да се добие отказ

Детали

петок, 08 април 2022

Стјуардесите што се на пробен период не смеат да го скратат здолништето, кога се болни не смеат да летаат ниту со друга авиокомпанија, а треба да очекуваат дека ќе бидат под постојан надзор. Поранешна стјуардеса открива бизарни причини за кои може да бидат отпуштени.

Стјуардесата Хедер Пул која над 15 години работела за позната авиокомпанија, ја објави книгата Cruising Attitude во која открива повеќе детали за нејзиното работно место.

Таа во одговор на луѓето што велат дека нејзината професија е лесна говори за тоа дека мошне тешко се станува стјуардеса, а првите шест месеци се вистински предизвик.

Познато е дека и за да станете стјуардеса треба да поседувате одредени физички предиспозиции, височина од 160 до 190cm и кога седнувате не смеете да носите продолженија на појасот за безбедност.

„Треба да бидеме доволно високи за да можеме да земеме опрема од горните делови на авионот, но не толку високи за да ги удираме главите“ – вели таа и појаснува дека авиокомпаниите ги одредуваат овие предиспозиции врз основа на типот на авиони во нивната компанија.

Иако правилата се различни во зависност од авиокомпанијата, Хедер истакнува дека откако ќе ја поминат обуката и ќе започнат на работа, тоа е периодот кога стјуардесите се соочуваат со најголемите предизвици.

Таа открива причини за отказ (кои не се исти во сите авиокомпании):

Во првите шест месеци откако ќе ги примат на работа сите нови стјуардеси се на пробен период и најмалите грешки може да доведат до нивно отпуштање.

Некои стјуардеси биле отпуштани поради неправилно носење на униформата, или ако имале врзан џемпер околу половината.

Уште еден бизарен момент поврзан со униформата е дека новите стјуардеси не смеат да ја кратат должината на здолништето додека се на пробен период. Така, по должината на здолништето лесно може да препознаете кои се поискусни, а кои се „нововработени“ стјуардеси.

Новите стјуардеси немаат право да летаат бесплатно кога не се на работа. Една стјуардеса била отпуштена затоа што се обидела бесплатно да лета додека била на пробен период.

Ако сте болни не смеете да летате, ниту како патник во друга авиокомпанија. За прекршување на ова правило следува отказ.

Неодамна уште една стјуардеса што редовно откриваше интересни детали за работењето како стјуардеса, беше отпуштена заради тоа што редовно објавуваше видеа на социјалната мрежа ТикТок.

@arina.bloom Just another Flight Attendant got in trouble. #cabincrew #flightattendant ♬ original sound - Arina Bloom

Други стјуардеси откриваат дека биле отпуштани затоа што објавувале фотографии во униформи додека не се на работа, а трети направиле поголеми прекршоци, како консумирање алкохол на работното место или користење на телефони додека се на работното место.

Б. С. Б. | Црнобело