Како изгледаше Супермесечината на јагодите кај нас, а како низ светот? (фото)

Детали

среда, 15 јуни 2022

Не беше розова, ниту во форма на јагода, но Месечината во текот на минатата ноќ беше посебна – како да ни е на дофат на рака, а ако не успеавте да ја видите на небото, погледнете како изгледаше Супермесечината на јагодите кај нас и во светот низ фотографии.

Минатата вечер (14.06) на небото можевме да ја видиме Супермесечината на јагодите, која воедно е и најголемата полна Месечина за оваа 2022-ра година.

Оние што имаа можност да го видат природниот сателит на Земјата, минатата вечер забележаа дека изгледа поголемо од вообичаено, како да ни е на допир.

Научното објаснување за овој феномен е во тоа што Месечината изминатата ноќ се наоѓаше најблиску до Земјата и заради тоа изгледаше значително поголемо од вообичаено, а името „Супермесечина на јагодите“ го добила од Индијанците затоа што вообичаено се појавува во јуни, односно во периодот кога почнуваат да се берат шумските јагоди.

Голем број фотографи и фото-аматери ја искористија приликата да го фотографираат овој феномен кај нас, но и низ светот.

Погледнете во галеријата како изгледаше синоќешната Супермесечина:

• 
• 
• 
• 
• 
• 
• 
• 
• 
• 
• 
• 
• 
• 
• 
•  

Б. С. Б. | Црнобело