Емотивна средба на мајка со ќерката, 50 години откако таткото ја одвел во Мароко и ја оставил таму

Детали

вторник, 28 јуни 2022

Шанае, која во Мароко имала многу тешко детство и живот, во еден миг ја дознала вистината за своите биолошки родители и одлучила со 4-те деца да се спакува и да се пресели во Велика Британија за да ја бара својата биолошка мајка. Сега, се заедно и пресреќни...

Хејзел Чик од Велика Британија по 50 години се сретна со својата ќерка со помош на емисијата „Long Lost Family“.

Хејзел, која сега страда од Паркинсонова болест, вели дека плачела секоја ноќ по својата ќерка Шанае, откако нејзиниот партнер и татко на Шанае, на 18 месеци ја одвел во Мароко и ја оставил таму.

Нејзиниот поранешен сопруг тогаш тврдел дека го носи детето во Мароко за да ги запознае роднините, но 4 седмици подоцна се вратил без неа, објаснувајќи и на Хејзел дека ќерката ја дал на неговата сестра за таа да се грижи за неа, бидејќи не можела да има деца.

Шанае дури по 30 години живот во Мароко дознала дека жената и мажот што ја чувале, всушност не се нејзини биолошки родители.

Таа вели дека имала несреќно дество во Мароко, дека на 11 години морала да го напушти училиштето за да работи дома, а на 19 години имала договорен брак со маж кој ја контролирал апсолутно за сè.

Шанае во еден миг ја дознала вистината за своите биолошки родители и одлучила со 4-те деца да се спакува и да се пресели во Велика Британија за да ја бара својата биолошка мајка.

Таа сега е во среќен брак со друг маж и очекува петто дете.

По 20 долги години неуспешна потрага се јавила во емисијата „Long Lost Family“, со чија помош ја пронашла мајка си.

„Со целото мое срце посакував да ја сретнам барем еднаш во животот. Да ја видам, да ја прегрнам, не можев да се чувствувам комплетно без тоа“, изјави Шанае, а нејзината мајка Хејзел вели дека не можела да престане да мисли на неа целиот живот и дека е среќна што ја видела додека уште е жива.

„Таа е мојот живот, ја сакам, отсекогаш ја сакав и мило ми е што се врати во мојот живот“, вели Хејзел, која заедно со Шанае заклучи дека ова е најдобриот ден во нивните животи.

Биолошкиот татко на Шанае е починат.

Емотивната средба:

С. С. | Црнобело