Вирално видео од неуспешно запросување: На Британец му падна во езеро прстенот од 1.200 долари, пред да ја запроси девојката

Детали

петок, 01 јули 2022

Млад Британец подготвил совршено запросување за неговата сакана покрај езеро, но уште пред да успее да клекне на колено, дијамантскиот прстен за којшто платил 1.200 долари му паднал во водата.

Рос Бамбер од Англија сподели видео на ТикТок од запросувањето на неговата девојка (сега вереница) кое досега има над 3,7 милиони прегледи поради неочекуваниот развој на настаните.

Рос купил дијамантски прстен од 1.200 долари за да ја запроси неговата девојка Гери Ешфорт. Организирал и навистина романтично запросување покрај езеро.

На виралното видео парот стои покрај езерото, а Рози си ги покрива очите со дланките. Но, како што Рос го вади прстенот - веднаш му паѓа во езерото.

Целата ситуација е и по малку комична, најмногу поради реакцијата на Рос кој само зачудено гледа во Гери, додека таа сè уште ги држи очите покриени, несвесна за она што се случило. 

@geriiashforth #gonewrong #proposalgonewrong #proposal #proposalvideo #ringdrop #marriage #marriagehumor #marriedlife #viral #viralvideo #inthelake #fyp #foryoupage ♬ original sound - Gerii Ashforth

Во коментарите корисниците се шегуваат дека ова можеби е знак дека парот не треба да се венча, а повеќето искажуваат сочувство за Рос кој потрошил мало богатство за прстенот.

„Гледав како отскокнува на штиците и сопре на работ, па падна во водата. Не ми се веруваше. Не стигнав ни да клекнам на колено“, вели Рос за BBC.

Потоа Рос сподели уште едно видео на ТикТок во кое откри дека купил уште еден прстен за Гери, со опис:

„Конечно кажа да!“

@rossbamber Please watch this fail of a proposal attempt ….. #inthedrink #worseluckwiththesethings #proposal #hottub #fiance #fyp #dontaskquestions #engagementring #engagmentringchallenge #lovestory #funnynownotthen #lakehouse #wispymeadows #norwich #norfolk #shopping #singingtexttospeech ♬ original sound - Ross Bamber

Спирова С. | Црнобело