Како дете ја малтретирале заради густите и споени веѓи, а со нив стана топ модел – Која е Софија Хаџипантели?

Детали

недела, 10 јули 2022

„Споените веѓи и провокативната облека ми помогнаа луѓето да ме забележат“ – вели манекенката со грчко-кипарско потекло Софија Хаџипантели, која се појавила на насловните страници на поголем број модни списанија, а во минатото била малтретирана заради нив.

Софија Хаџипантели (25) е манекенка со грчко-кипарско потекло која во изминативе години стана најпозната затоа што гордо позира на насловните страници на голем број модни списанија и тоа со споени и нестилизирани веѓи.

Со височина од само 168cm и видлива несовршеност на лицето, оваа девојка успеа да се пробие на модната сцена.

Впрочем т.н. „гајтан“ веѓи како што многумина ги нарекуваат, се заштитен знак на оваа девојка, која пленува со совршениот изглед на телото, а во последните години се обидува да ги нормализира природниот изглед на веѓите и во светот на модата.

„Верувам дека моето грчко-кипарско потекло ми дозволува да експериментирам колку сакам со веѓите затоа што на крај секогаш повторно растат.

Чувствувам дека веѓите се голем дел од мене, затоа што покажуваат дека според правилата можеш да бидеш најгрдата личност на светот, но да изгледаш најубаво доколку така се чувствуваш одвнатре“ – вели таа.

Софија како дете била често мета на критики заради споените и густи веѓи, а денес ги краси насловните страници на Vogue, Harper’s Bazaar и Vanity Fair.

„Со мојата појава успевам да контролирам како луѓето ме гледаат.

Ако сакам да бидам забележана тогаш ќе се облекувам како што сакам и ќе се појавувам со споени веѓи, а ако сакам да имам поголема приватност, секогаш можам да внимавам повеќе на изгледот.

Но, тоа е моја одлука“ – вели таа.

Инаку Софија на Инстаграм има 470.000 следбеници.

Погледнете дел од нејзините објави:

Б. С. Б. | Црнобело