Која е Ана Сергеева - најубавата политичарка во Украина, која зема поголема плата од преседателот?

Детали

сабота, 16 јули 2022

Таа сè уште е студент, работела на промоција на производи за убавина, а ќе зема 2,5 пати поголема плата од Зеленски додека ја „крои“ европската иднина земјата – Што знаеме за новата заменик министерка на Украина за евроинтеграции?

Нов скандал ја тресе украинската влада на претседателот Володимир Зеленски откако 25-годишната Ана Сергеева, која е позната како блогерка и инфлуенсерка и нема претходно искуство со работење во јавниот сектор, беше назначена за Заменик-министер за Евроинтеграции.

Уште поинтересно е тоа што според украинските медиуми, нејзината плата е 2,5 пати поголема oд таа на претседателот Зеленски. Ана ќе зема плата во износ од 2.320 евра месечно, а Зеленски добива околу 950 евра.

Според објавите Ана Сергеева била избрана за заменик министер на 10-ти јуни, а од 14-ти јуни годинава почнала да ги извршува должностите на новата работна позиција.

Изборот на новата заменик-министерка во Украина предизвика револт кај некои граѓани, затоа што Ана, освен што е премногу млада, нема искуство во политика и во работењето во јавниот сектор.

Во продолжение неколку факти за неа:

Ана Сергеева е родена во октомври 1996-та година, има високо образование од областа на новинарството, а сè уште не ги завршила студиите по право на националниот универзитет „Тарас Шевченко“ во Киев.

Таа во периодот од април 2019-та година до јуни 2022-та работела како директор на компанијата Service Auditor која давала услуги за консултација за маркетинг активности за фризери и салони за убавина, а била позната и како ифлуенсерка и блогерка.

Според други, со оглед на тоа што не можат да се најдат финансиски податоци за компанијата Service Auditor, најверојатно станува збор за фиктивна компанија.

Таа тврди дека во последните 4 години била активно вклучена во општествени проекти за социјализација на деца со ментална и физичка попреченост, поддршка за осамени стари лица и деца без родителска грижа, но нема податоци во кои проекти била вклучена.

Б. С. Б. | Црнобело