„Ќерка ми (1) има Синдром на коса која не може да се чешла – се гордеам затоа што е посебна“
- Детали
- петок, 29 јули 2022
„Кога имаше една година, косата на Лејла беше густа, а потоа почна да расте само нагоре. Сега ја споредуваат со Ајнштајн...“ – вели мајката на 17-месечната Лејла Дејвис која има Синдром на коса што не може да се чешла. Таа е горда што нејзината ќерка е една од ретките дечиња родени со овој синдром.
Колку и да се обидувате да ја исчешлате, косата на малата Лејла Дејвис од Англија не може да се исправи, туку стрчи во сите правци. Таа е една од ретките деца што ја добила дијагнозата за овој синдром.
Лејла има само 17 месеци, а мајка ѝ вели дека заради фризурата малото девојче го споредуваат со Ајнштајн и со британскиот политичар Борис Џонсон.
„Кога имаше една година, косата на Лејла беше густа, а потоа почна да расте само нагоре. Се гордеам што добивме таква дијагноза, затоа што тоа е мошне редок синдром, само 100 луѓе во светот имаат таква коса.
Мислам дека таа иако е мала, сфаќа колку е уникатна. Сакам кога ќе порасне да знае дека е прекрасна иако изгледа поразлично од другите луѓе“ – вели мајката на Лејла, Шарлот Дејвис.
Според студија од 2016-та година, објавена во The American Journal of Human Genetics, овој синдром се јавува како последица на мутација на гените што се одговорни за изгледот на косата.
Лејла има свој Инстаграм профил, каде се објавени нејзини фотографии.
„Во светот има околу 7,8 милијарди луѓе, а само околу 100-тина имаат синдром на коса што не се чешла. Јас сум една од тие среќни луѓе“ – стои во описот на нејзината Инстаграм страна.
Погледнете неколку нејзини фотографии:
Б. С. Б. | Црнобело
Би можело да ве интересира:
Препорачуваме
Најчитани неделава
