Мајка го згрози светот – го фотошопира телото на 8-годишната ќерка (ѝ го танчи струкот)

Детали

вторник, 23 август 2022

„Ти не си родител!“ – Како Фотошоп навиките на една мајка можат да ѝ ја уништат психата на нејзината 8-годишна ќерка? Крајно осудувачко однесување, зарем не?

На Reddit постојано осамнуваат теми од секојдневието кои на моменти нè тераат да се запрашаме „Каде отиде светот?“...

Па, така е и со оваа тема каде се посочува на мајка која со Фотошоп прави измени на телото на својата 8-годишна ќерка.

На фотографијата од нејзините 3 деца јасно се гледа дека таа го танчела струкот на ќерка си, затоа што џемперчето на девојчето е искривено и рацете изгледаат чудно.

Фотографијата од мајката, чиј идентитет се држи во тајност за да не дојде до нарушување на приватноста, инстантно стана мета на критики.

Луѓето згрозени од нејзиното однесување брзо испишаа толку многу осудувачки коментари, што темата дури беше затворена за понатамошна дискусија.

„Ова е најлудото нешто што сум го видел досега“, „Згрозувачко“, „Сама ја сексуализира својата 8-годишна ќерка на Фејсбук?“, „Ти не си родител!“, „Ова е злоупотреба“ се само дел од осудувачките коментари.

Дали и вие сметате дека светот оди во крајност со потрагата по „совршенство“ и трката по нереалните „стандарди за убавина“?

Во време кога девојчињата чувствуваат неверојатен притисок за да изгледаат совршено, ова е крајно осудувачко однесување на една мајка, зарем не?

Таа само го зголемува ризикот од депресија, ниска самодоверба и анксизоност кај својата ќерка.

Дефинитивно пример како НЕ треба!

С. С. | Црнобело