7-годишните близнаци на принцот од Монако се потстрижале сами пред важен настан на кралското семејство (фото)

Детали

вторник, 06 септември 2022

Принцезата Шарлен од Монако сподели смешни фотки на кои ги покажа фризурите што си ги направиле нејзините 7-годишни близнаци – најпрво ќерката Габриела сама си ја потстрижала косата, а потоа го „средила“ и брат ѝ Жак, и тоа веднаш пред важен настан на кралското семејство.

Близнаците на принцот Алберт од Монако решиле сами да си направат фризури, и тоа пред важен настан на кралското семејство.

Принцот Алберт и сопругата Шарлен имаат 7-годишни близнаци, Габриела и Жак, а според објавата на Шарлен, Габриела се потстрижала сама, а потоа го „средила“ и брат и ѝ Жак.

Шарлен сподели две фотки на кои се гледаат новите фризури на близнаците.

„Габриела се потстрижа, а потоа го потстрижа и брат ѝ! Едвај чекаме да почнат со училиште во понеделник“, стои во описот на објавата.

Следниот ден, кралското семејство од Монако присуствуваше на настан, а Шарлен успеала некако да ги среди близнаците.

Малиот принц Жак добил потполно нова фризура, а Габриела носеше венче со цветови кое донекаде ја прикриваше фризурата што си ја направила сама.

Уште поинтересно во целата ситуација е што ова не е првпат малата Габриела сама да си направи фризура со ножици.

Пред околу една година, принцезата Шарлен откри дека Габриела си ги потстрижала шишките.

Таа сподели и фотографии на кои се гледаат асиметричните шишки на малото девојче.

Инаку, принцот Алберт го наследи тронот во 2005 година, од неговиот татко. Мајката на Алберт е Грејс Кели, која беше и позната актерка.

Во 2011 година, тој се венча со принцезата Шарлен која е поранешна олимписка пливачка.

Во 2014-та тие ги добија близнаците Габриела и Жак.

Прочитајте и: Факти за најтажната принцеза на светот – гласини дека била сместена во ментална установа, сакала да побегне од свадбата

Повеќе фотки од семејството на следната страница....