Девојка од Бугарија: „Како ја пронајдов љубовта на својот живот во мигот кога престанав да ја барам?“

Детали

четврток, 15 септември 2022

„Да бидам искрена копнеев со години да пронајдам љубов. СО ГОДИНИ. И мислев дека никогаш нема да ми се случи. Ако ми се случи на мене (која бев толку очајна и со скршено срце со години), верувам дека ќе ви се случи и вам“, ја раскажува својата приказна Дајана Александрова, која љубовта на својот живот ја пронашла на Тенерифе.

Дајана Александрова од Бугарија, која на 16 години се преселила во САД, е една од многуте жени кои со задоволство ги споделуваат своите патувачки искуство во Фејсбук групата „Girls love travel“, но овојпат таа сподели и како ја пронашла љубовта на својот живот, токму кога се откажала од барање љубов.

Нејзината исповед:

„Јас знаев како сакам да изгледа мојата сродна душа – да биде дигитален номад како мене.

Да бидам искрена копнеев со години да пронајдам љубов. СО ГОДИНИ. И мислев дека никогаш нема да ми се случи.

Живеев во Барселона до 2020 година, каде се чувствував ужасно кога мажи ме извисуваа или сакаа да ме искористат емоционално.
Па, така во летото 2020 година за да ги избегнам строгите корона мерки во градот, се преселив на Тенерифе.

Во дневник си запишував како сакам да изгледа мојата сродна душа и со што располагам јас како квалитети, за да си ја зајакнам самодовербата.

И тогаш направив нешто страшно... Одлучив да се предадам. Да престанам да барам. Да престанам да форсирам.

Па, така секој ден шетав покрај океанот и во главата си велев:
‘Универзуме, се предавам, подготвена сум за магија’.

Две седмици подоцна, пријателка ме одвлече во бар, не пијам алкохол, па отидов само за да ѝ правам друштво и тогаш влезе ТОЈ.

Тој постојано патува низ светот исто како мене, има неутрален акцент (иако е од Шкотска) и обожава природа.

Тој е мојата вистинска љубов, звучи клише, но кога знаеш – знаеш.

Се состануваме само 2 години, а веќе имаме живеено заедно во 5 земји. Наскоро се селиме во Костарика.

Сакав да го споделам ова со вас за да ве инспирирам.
Ако ми се случи на мене (која бев толку очајна и со скршено срце со години), верувам дека ќе ви се случи и вам.“

С. С. | Црнобело