„Имам 27 години, но не сакам да работам – дечко ми се грижи за мене и ми обезбедува луксузен живот“ (фото)
- Детали
- среда, 12 октомври 2022
„Јас го чистам целиот негов неред, подготвувам вечера пред да си дојде и ја перам и пеглам неговата облека. Завршив факултет, но не сакам да работам, дечко ми се грижи за мене“ – тврди оваа 27 годишна девојка која месечно троши околу 550 евра само на шминка и облека.
Самер Ерика (27) живее во Глазгов, Шкотска заедно со нејзиниот дечко Бигс (30), но за разлика од голем број други жени и девојки на нејзина возраст, таа смета дека не мора да оди на работа и ужива во луксузниот живот што ѝ го обезбедува нејзиниот дечко.
„Тоа е сонот на секоја девојка нели? Се будам наутро, му правам појадок на Бигс и гледам филмови на Netflix и си мислам: ‘Боже ова е живот’“ – вели таа.
Самер има свој профил на ТикТок, а вели дека не била отсекогаш домаќинка. Таа претходно живеела во Бристол, Англија, каде работела како учителка на деца од основно образование, а потоа се запишала на универзитет.
Нејзиниот дечко Бигс е поранешен учесник на познатото британско шоу Love Island, а тие двајца се запознале во 2021-ва година. Самер оваа година дипломирала, но вели дека нема намера наскоро да бара вработување.
„Бигс и јас бевме во врска на далечина. Плаќав скапа кирија и доста се измачував на работа, па Бигс ми понуди да се грижи за мене. Сѐ што требаше да направам е да се преселам во Шкотска кај него и веќе да не се грижам за пари. Живеам заедно со него од јуни годинава и никогаш не зажалив за оваа одлука“ – вели Самер.
Бигс често патува и заработува пари на социјалните мрежи, а Самер е дома и деновите ги минува во шопинг, го чисти домот и ужива во нејзините омилени емисии на телевизија.
Таа вели дека не знае колку пари заработува нејзиниот дечко и колку троши за хипотеката, сметките и слично.
„Секогаш кога сме излезени тој ги плаќа сметките“ – вели Самер.
Сепак, Самер вели дека заработува и како инфлуенсерка, па така има свој бизнис за продажба на вештачки трепки и производи за убавина, а редовно објавува видеа на YouTube.
Вели дека од овој свој бизнис заработува околу 500 британски фунти што обично ги троши на облека, шминка и третмани за убавина, а споделува дека нејзиниот дечко не прави ништо дома.
„Јас го чистам целиот негов неред, подготвувам вечера пред да си дојде и ја перам и ја пеглам неговата облека. Поубаво ми е вака. Ако тој сам си подготвува јадење, нема да знам што да купам од маркет“ – вели Самер.
Погледнете повеќе нејзини фотографии:
https://www.instagram.com/p/ChT9xX_jfNY/?utm_source=ig_web_copy_link
https://www.instagram.com/p/Cf1P-S4DBR4/?utm_source=ig_web_copy_link
Б. С. Б. | Црнобело
Би можело да ве интересира:
Препорачуваме
Најчитани неделава
