Кралот Чарлс го гаѓаат со јајца на настан – тој ладен како ништо да не се случило (видео)

Детали

четврток, 10 ноември 2022

Момчето било веднаш уапсено, а кралот Чарлс Трети воопшто не реагирал додека еден од присутните во толпата почнал да го гаѓа со јајца. Хит видео од „нападот“ масовно се шири на социјалните мрежи.

Кралот Чарлс Трети и кралицата придружничка Камила беа во посета на градот Јорк, каде вчера беше откриена статуата на покојната кралица Елизабета Втора.

Голем број жители на градот беа собрани да го пречекаат новиот крал, а еден присутен во толпата фрли најмалку 3 јајца врз Чарлс и Камила и почнал да вика:

„Оваа држава е изградена врз крвта на робовите!“

За среќа, момчето не успеа да го погоди кралот со јајцата, но веднаш бил задржан од полицијата, додека видеото од настанот масовно се шири на социјалните мрежи.

Како што може да се види од видеото, новиот британски крал успеа да се држи до кралскиот протокол и да не покаже емоции, иако едно од јајцата му прелета до раката.

Според британските медиуми, напаѓачот е Патрик Телвел, кој во минатото бил кандидат за пратеник од Зелената партија во Британија и учесник во голем број протести за заштита на животната средина.

Погледнете го видеото од апсењето на момчето:

Б. С. Б. | Црнобело