„Имам 33 години, очајна сум за деца, но мојот сопруг не сака – што да правам?“

Детали

четврток, 24 ноември 2022

„Заедно сме 10 години, го сакам, но откако наполнив 30 години, само размислувам за тоа да добијам бебе. Мојот сопруг не е заинтересиран и ми вели: ‘Имаме толку прекрасен живот, зошто да си го расипуваме?’“

33-годишна жена се исповеда за својот проблем со партнерот за магазинот TheSun.

Таа ја опишува ситуацијата:

„Кога ќе слушнам дека друга жена е бремена – плачам. Очајна сум да имам бебе, но мојот сопруг постојано пронаоѓа изговори за да ја одложиме работата.
Се прашувам дали да го оставам и да си најдам друг, пред да биде предоцна.

Јас имам 33 години, а тој 35. Во брак сме 7 години, а заедно сме 10.
Нашиот живот е одличен, освен овој проблем, а вљубена сум во него.

Откако наполнив 30 години, само размислувам за тоа да добијам бебе.
Мојот сопруг не е заинтересиран и ми вели: „Имаме толку прекрасен живот, зошто да си го расипуваме?“

Дел од мене мисли дека треба да пробам да забременам „случајно со намера“, па тој да нема опција. Но, знам дека тоа е незрело и погрешно.
Што да правам?“

Одговорот од експертот за врски на TheSun, гласи:

„Твојот биолошки часовник отчукува, а твојот сопруг не може да го чуе.

Не му прави трикови со бременоста – ќе си ја уништиш врската.
Имајте смирен и искрен разговор. Кажи му јасно дека ти го крши срцето и те оттурнува од себе. Прашај го искрено дали сака деца.

Ако сака, усогласете се да поставите краен рок кога да почнете да се обидувате да добиете дете.
Ако не, тогаш ќе мора да донесеш тешка одлука. Но, барем ќе знаеш на што си.“

С. С. | Црнобело