Принцот Хари со нови детали за љубовта со Меган: „Се вљубив во нејзина смешна фотографија со кучешки уши на Инстаграм“
- Детали
- петок, 09 декември 2022
„Меган во голема мера е многу слична со мајка ми. Ја има истата страст, истата емпатија, истата самодоверба. Морав да направам сѐ што можев за да го заштитам сопственото семејство. Не сакав да се повтори историјата на мајка ми“ – вели Хари во најновиот документарен филм, посветен на неговата врска со Меган и одлуката да си замине од кралското семејство.
Вчера (08.12) на Netflix беа објавени првите три епизоди од документарниот филм на принцот Хари и Меган Маркл, Harry and Meghan а досега се откриени повеќе детали за тоа како започнала нивната врска, но и како изгледал нивниот живот во кралското семејство пред да одлучат да се откажат од своите должности.
Филмот нуди повеќе досега непознати детали за тоа како „најпосакуваниот ерген“ во тоа време ја запознал Меган Маркл која беше мошне популарна по улогата во ТВ серијата Suits, но и како се чувствувале на почетокот на врската.
Тој споделува како морале да се откажат од кралското семејство за да побегнат од огромното медиумско влијание, контролирано од британската палата и да си обезбедат поголема приватност.
Тие открија дека се запознале на Инстаграм, а Хари вели дека случајно ја видел нејзината фотографија кај профил на пријател по што побарал да ја запознае.
„Скролав на социјалните мрежи, и еден пријател имаше објавено видео од нив двајца, како Snapchat“ – појаснува Хари и вели дека отакако ја видел Меган со филтер на куче веднаш посакал да ја запознае.
„Си мислев: Која е оваа?“ – вели тој.
Фотографијата со која Меган му го привлекла вниманието на Хари
Меган раскажува како пријателот ја прашал дека принцот Хаз сака да се запознае по што таа му побарала да ѝ прати линк од неговиот профил за да му ги види фотографиите, а веќе следниот ден тие двајца размениле телефонски броеви.
„Имав кариера, го имав својот живот, имав сопствен правец и потоа дојде Хари. Тоа беше целосен пресврт“ – вели Меган.
Погледнете го видеото од моментот кога Хари зборува за запознавањето со Меган:
Хари признава дека тие двајцата се труделе колку може подолго да ја кријат сопствената врска, затоа што се плашел дека таа ќе побегне од медиумите – што претходно успеале да избркаат голем број луѓе подалеку од него.
На почетокот се гледале на секои две недели, а поминувале премногу време во видео разговори и размена на пораки.
Откриваат дека последната вечер пред приказната за нивната врска да биде откриена тие двајцата излегле, а Хари се маскирал со очила и марама за да можат да уживаат во приватноста барем уште една вечер.
Продолжува на следната страна...
Би можело да ве интересира:
Препорачуваме
Најчитани неделава
