Ги стиска забите и незадоволно гледа во неа – Дали Меган успеа видно да го вознемири Хари со непочитта кон баба му Елизабета? (видео)

Начинот на кој таа го раскажува целиот настан во голема мера е критикуван во дел од светските медиуми, а британските медиуми ја обвинуваат затоа што се „потсмева“ со кралицата и кралскиот протокол.

„Ова е засрамувачки, бидејќи се потсмева на протоколот и – никој не ѝ се поклонува на кралицата така и не верувам дека некој би ја советувал тоа да го направи така.

Хари знае дека поклонувањето е кратко наведнување на главата и се потклекнува за да се покаже почит кон владетелот.

Очигледно станува збор за културолошка разлика. Така би се поклонила само ако играш во ‘Снежана’“ – вели авторот Џајлс Брандрет кој долги години пишува за кралското семејство.

Од друга страна пак, голем број од оние што го погледнаа документарниот филм се сконцентрирани и на реакцијата на Хари додека Меган раскажува како за првпат ја запознала баба му, а експертите за говор на телото во таа реакција препознаваат силна негативна емоција: срам или страв.

„Тој е сериозен додека Меган возбудено раскажува што се случило, но не гледаме некаква поврзаност или емпатија од негова страна. Тој е сериозен и помалку гневен, погледнете што се случува со неговото грло, во тој момент голта.

Во погледот кон Меган се забележува незадоволство и во друг момент се врти и притиска со забите. Можеби се срами, можеби е гневен, но сигурно може да се забележи емотивна реакција и не му се допаѓа тоа што го прави Меган“ – вели експертот за говор на телото Хесус Енрике Росас на неговиот YouTube канал.

Инаку, вторите три епизоди од Harry and Meghan ќе бидат објавени на 15-ти декември, а според најавата од трејлерот ќе имаме можност да дознаеме повеќе за неговиот однос со брат му Вилијам, но и со останатите членови во кралското семејство.

Б. С. Б. | Црнобело