Ги стиска забите и незадоволно гледа во неа – Дали Меган успеа видно да го вознемири Хари со непочитта кон баба му Елизабета? (видео)

Детали

вторник, 13 декември 2022

„Одевме на ручек и Хари ми рече: ‘О, баба ми (кралицата) е овде, и таа ќе биде таму. Знаеш како да се поклониш, нели?’“ – раскажува Меган и покажува како изгледало тоа нејзино поклонување и неподготвеност за запознавање со кралицата Елизабета. Додека некои гледаат како Меган се посрамотила себеси и се потсмева на обичаите, другите пак сакаат да одгатнат што крие лицето на Хари: срам или гнев?

Минатата недела беа објавени првите три епизоди од документарниот филм Harry and Meghan на Нетфликс и со денови во голем број од светските медиуми се провлекуваат деталите за она што тие го открија.

За првпат имавме можност да дознаеме дека Хари и Меган се запознале на социјалните мрежи, повторно зборуваа на долго и на широко за расизмот и начинот на кој Меган била третирана од членовите во семејството, а Хари ја спореди својата сопруга со мајка му, принцезата Дијана.

Додека сме во исчекување на вторите три епизоди, во кои според трејлерот се очекува Хари да зборува повеќе за неговиот однос со брат му Вилијам и со кралицата, еден детаљ од првите три епизоди посебно им падна во очи на многумина, а тоа е делот каде што Меган ја опишува својата прва средба со кралицата.

Таа во документарниот филм раскажува дека воопшто не била подготвена за да го запознае најважниот член во британското кралско семејство.

„Мислам, тоа е надреално. Немаше претходна најава или Хари да ми рече: ‘Сега ќе ја запознаеш мојата баба’. Само неколку мигови пред средбата дознав дека ќе ја запознам.

Бевме во автомобилот и одевме на ручек, а Хари ми рече: ‘О, баба ми е овде, таа ќе биде таму по мисата во црквата’. Потоа ме праша: ‘Знаеш како да се поклониш, нели?’ Мислев дека се шегува“ – раскажува Меган.

Таа средбата со кралицата ја опишува како настан од средновековниот период, а со смеење раскажува како изгледале тие први мигови кога имала можност да се запознае со Елизабета Втора.

„Се поклонив и реков: ‘Драго ми е што ве запознав, Ваше Височество’. Беше толку стресно. Не знаев што да правам“ – вели таа и покажува како се поклонила „до земја“.

Продолжува на следната страна...