„Со сопругот сме нудисти – го прославивме Божиќ голи, додека нашите гости носеа облека“ (фото)

Детали

вторник, 27 декември 2022

Хелен и Сајмон од Лондон се нудисти и не сакаат да носат облека дури ни кога имаат гости. За прославата за Божиќ во нивниот дом тие биле голи, додека нивните гости носеле облека, и истакнуваат дека никој не се чувствувал непријатно и вечерта поминала одлично.

Додека нудистите обично ги поврзуваме со нудистички плажи, овие луѓе преферираат да бидат голи не само на плажа, туку секогаш кога тоа е возможно.

Хелен и Сајмон велат дека тие не носат облека дури ни кога имаат гости.

За Daily Mail, парот од Англија открива дека тие го прославиле и Божиќ потполно голи, додека нивните гости носеле облека.

Според нив, тоа што не носат облека не е воопшто непријатно ниту за нив, ниту за гостите, и овогодишната прослава поминала најнормално – јаделе, пиеле и си разменувале подароци со гостите.

Парот дури и ја приготвувал божиќната вечера без облека.

„Некои луѓе нè гледаат како да сме потполно луди, особено кога ќе дознаат дека ние сме домаќини за божиќната прослава.

Но, нас најважно ни е секој да си го прифаќа телото и секој да се чувствува пријатно“.

Од двајцата, Сајмон бил првиот кој станал нудист и ѝ го покажал овој начин на живот на Хелен кога се запознале во 2015 година.

Но, Хелен вели дека ѝ биле потребни околу пет години за и таа да го прифати нудизмот.

„На почетокот му реков дека не ми пречи, но дека ќе мора да носи облека кога јас сум дома. По некое време почна да ’заборава‘ дека сум дома и шеташе гол.

Бев позагрижена да не ѝ пречи на ќерка ми, но таа рече дека не го ни забележува“.

Хелен истакнува дека сега откако се „ослободила“ од облеката, не ни помислува да го промени начинот на живот.

Таа дури дала ѝ отказ од работното место во очна ординација, па сега работи како автор на содржини за магазин чиј фокус е нудизмот.

По некое време, и ќерката и мајката на Хелен почнале да го поддржуваат парот.

„На почетокот ќерка ми ми викаше дека сум чудна, но сега ме поддржува. Сепак, не мислам дека наскоро и таа ќе стане нудист“.

Хелен вели и дека, очекувано, се соочуваат со критики.

„Има луѓе кои дофрлаат невкусни коментари и пробуваат да го сексуалиризаат нудизмот, но тоа е многу погрешно“.

Според Хелен, најголемо ослободување во овој начин на живот е тоа што не мора да мисли што да носи, но и тоа што сега си го прифаќа телото такво какво што е.

„Сфатив дека потрошив 20 години од животот грижејќи се за мислењето на луѓето и што да носам. Сите имаме лузни и стрии, па убаво е кога не мора да се грижите дали ви се покриени.

Со ова ѝ помогнав и на ќерка ми да има подобра слика за себе“.

Спирова С. | Црнобело