Маж од Уганда има 12 жени и 102 деца: „Не правам веќе деца, им наредив на жените да земаат таблети за контрацепција“

Детали

среда, 28 декември 2022

„Штом ќе се оженев со една жена, веднаш барав друга. Како може човек да се задоволи со една жена?“ – прашува овој маж од Уганда кој има 12 жени, 102 деца и 568 внуци, а се жали дека заради големиот број деца и малата плата, постојано е во финансиска криза.

Муса Хасаја (67) од Уганда има 12 жени, 102 деца и 568 внуци, а вели дека конечно донел одлука да престане да го проширува семејството.

Муса живее во Лусака во Уганда каде полигамијата е легална, а вели дека им наредил на неговите сопруги да почнат да земаат таблети за контрацепција со цел да се спречат идните (несакани) бремености, затоа што, веќе нема доволно финансии за да го издржува семејството.

„Со текот на годините платата ми станува сè помала и помала заради поскапувањето на основните продукти за живот, а моето семејство станува сè поголемо.

Штом ќе се оженев со една жена, веднаш барав друга. Како може човек да се задоволи со една жена? Лесно ми е да ги надгледувам и да не им дозволам да побегнат со други мажи во селото“ – вели Муса.

Најмладата сопруга на Муса, Зулајка има околу 30 години и е 20 години помлада од најстариот син на Муса, кој има 51 година.

Зулајка за време на бракот со Муса родила 11 деца, а вели дека веќе не сака да има деца и затоа редовно зема таблети за контрацепција, иако во нејзиното село каков било тип на заштита од несакана бременост се врзува со промискуитетност.

Најмалото дете на Муса има 6 години, а околу 30-тина од неговите деца живеат заедно со него, на неговата фарма.

Тој вели дека веќе не може да работи заради влошената здравствена состојба, а по очајната финансиска состојба во која се нашло семејството две од неговите жени одлучиле да побегнат.

Б. С. Б. | Црнобело