Британска водителка со набори на стомакот, откако ослабе 57 килограми со операција на желудник (фото)

Детали

среда, 01 февруари 2023

Можеби слабеењето со помош на операција на желудникот на многумина им се чини како лесен начин за слабеење, но фотографиите од оваа британска ТВ водителка покажуваат како изгледа телото по ослободувањето од вишокот килограми и дека последиците остануваат видливи.

Британската водителка Шанел Хајез (35) е позната и по тоа што учествуваше во реалното шоу „Големиот брат“, а деновиве во светските медиуми го привлече вниманието откако беа објавени нејзини папараци фотографии на кои се гледаат последиците на нејзиното тело по операцијата на желудникот.

Шанел во минатото имаше 107 килограми, а по операцијата на желудникот успеала да ослаби околу 57 килограми, но на фотографиите што биле направени додека таа е на одмор во Тенерифе, може да се види дека на нејзиното тело сѐ уште може да се забележат трагите од големиот вишок килограми.

Вишокот кожа на нејзиното тело треба да се отстрани со нова операција, но таа процедура не може да се изврши затоа што водителката се соочува со артритис на колковите предизвикан од прекумерната тежина.

Инаку, Шанел во минатото се занимаваше со моделинг, но во период од 3 години успеа да се здебели дури 60 килограми. По првата бременост во 2011-та година таа се здебели значително, по што следеше разводот со поранешниот партнер заради што почнала неконтролирано да јаде.

„Храната за мене беше утеха, особено кога бев депресивна“ – рече таа во една прилика.

По ова, таа одлучила да оди на липосукција, ја исфрлила мрсната храна и почнала редовно да тренира, но по втората брeменост во 2017-та година килограмите повторно ѝ се вратиле и уште повеќе се здебелила, заради што се одлучила да оди на операција на желудникот.

Дека операцијата на желудникот не е доволна сама по себе за да се постигне совшен изглед говорат и нејзините последни фотографии од одмор.

Погледнете дел од нив:

  Б. С. Б. | Црнобело