„Свекрвата облече ист фустан како мојата венчаница на свадбата, сега се чуди зошто ѝ се лутам“

Детали

недела, 12 февруари 2023

Дали свекрвата и снаата носат исти фустани? Жена ја споделува својата приказна за тоа како свекрвата одлучила да се појави во идентичен фустан со венчаницата и стана хит на социјалните мрежи: „Таа беше изненадена дека ѝ се лутиме заради фустанот. Рече дека не знаела дека нѐ вознемирила.“

На сите им е познато дека на свадба постои непишано правило дека гостите не треба да носат бел фустан, за да не ја фрлат во сенка невестата, но оваа свркрва намерно или ненамерно одлучила да го направи спротивното.

Американката Џезмин Хопер стана вистински хит на ТикТок откако сподели видео на кое се гледа дека мајката на нејзиниот сопруг приредила непријатно изненадување, па одлучила да облече фустан што премногу потсеќа на венчаницата на невестата.

„Дента кога ја биравме венчаницата, свекрвата беше со нас. Јас избрав фустан што потсеќа на сирена и сакав да изгледам убаво на свадбата, сакав да носам нешто во што се чувствував секси“ – вели таа.

Џезмин појаснува дека за свадбата сама си ја направила фризурата и шминката и била мошне сконцентрирана на тоа да изгледа убаво, па воопшто и не забележала дека свекрвата носи речеиси идентичен фустан.

„Никој не можеше да ми го одземе вниманието. Па така кога ја видов дека се појави во речиси идентичен фустан како венчаницата, си помислив: ‘можеби не требало да се облече така, чудно е некако...’“ – раскажува оваа невеста, но вели дека на денот на свадбата воопшто не била свесна дека таа и свекрвата носат речиси идентична облека.

Џезмин појаснува дека за време на свадбата добивала чудни коментари од најблиските, па дури сестра ѝ се понудила да оди да фрли чаша вино врз свекрвата, но дека таа не прифатила затоа што не сакала ништо да го расипе денот.

Како што појаснува, дури следниот ден откако ги видела фотографиите сфатила во што е проблемот.

Таа ги земала фотографиите и му ги покажала на сопругот, кој исто така дури тогаш забележал дека свекрвата се осмелила да се појави во ист фустан.

По ова односите многу се влошиле, а Џезмин вели дека нејзиниот сопруг 9 месеци не разговарал со мајка му, сѐ додека не се извинила.

„Таа беше изненадена дека ѝ се лутиме заради фустанот. Рече дека не знаела дека нѐ вознемирила“ – појаснува Џезмин.

Свекрвата потоа се правдала и рекла дека нејзиниот фустан бил во крем боја со златни додатоци, но Џезмин сѐ уште е гневна, а доби огромна поддршка од оние што ги видоа нејзините видеа на ТикТок.

Според нејзините следбеници, тоа е „сигнал“ дека свекрвата сака да ѝ се меша во бракот и дека таа сакала да биде единствената жена во животот на нејзиниот син.

Што мислите вие? Ненамерна ли е грешката?

Погледнете го видеото што таа го сподели на ТикТок и кое има над 8 милиони прегледи.

@jazzyhop555 #mil #boymom #motherofthegroom #whiteweddingdresses #toxicmil #milwearingwhite #sonsweddingday ♬ original sound - ozu ♚

 Б. С. Б. | Црнобело