Кејт Мидлтон позира со децата по повод Денот на мајката, кралот Чарлс првпат го одбележа празникот без мајка му Елизабета

Детали

недела, 19 март 2023

Кејт Мидлтон сподели две фотки со нејзините деца по повод Денот на мајката, додека кралот Чарлс првпат го прослави празникот без мајка му и сподели стара фотка со неа.

Во многу земји ширум светот, вклучувајќи ја и Англија, денес, 19-ти март, се празнува Денот на мајката.

Пo повод празникот, Кејт Мидлтон сподели слатки портрети со нејзините деца.

За кралот Чарлс, пак, ова е првиот Ден на мајката без кралицата Елизабета и ѝ оддаде почит со Инстаграм објава.

На првата фотка, Кејт Мидлтон седи на дрво заедно со принцот Џорџ, принцезата Шарлот и принцот Луи.

Втората фотка е само со Кејт и најмалиот син – принцот Луи – кого таа го држи во раце.

„Среќен Ден на мајката од нашето семејство до вашето“, стои во описот.

На објавата на кралот Чарлс, тој сè уште е дете и стои во скутот на мајка му Елизабета. На истата објава има и фотографија од Камила и нејзината мајка.

„До сите мајки насекаде, до сите оние на кои можеби денес им недостасуваат нивните мајки, мислиме на вас и ви посакуваме посебен Ден на мајката“, стои во описот.

Спирова С. | Црнобело