Кул техника за уникатни шарени јајца со шлаг пена – можат да ги направат и деца (видео)
Техниката за боење велигденски јајца која последниов период станува вирален хит, е онаа со шлаг пена и прехранбени бои – ќе ги имате најубавите јајца во кошничка, а може да ги направат и деца.
На социјалните мрежи вирално се споделува техника за боење велигденски јајца со помош на шлаг пена и прехранбени бои, а со неа излегуваат навистина уникатни шари.
Ако сакате да направите повеќе шарени јајца одеднаш, тогаш вреди да ја пробате, а дури и најмалечките во семејството може да ви бидат помошници.
Бонус е тоа што се прави без вештачки бои, па јајцата се сосема безбедни за јадење.
Потребни состојки:
- Ладна шлаг пена
- Прехранбени бои
- Длабок сад и шпатула
Постапка:
- Истурете го шлагот во садот и распоредете го насекаде.
- Капнувајте по една капка од секоја боја на повеќе места низ шлагот.
- Со шпатула или чачкалица размачкајте ги боите - зависно боите и начинот на кој ќе ги разнесете, ефектот ќе биде различен.
- Јајцата ставете ги во шлагот и изролајте дебел слој околу нив.
- Оставете го садот со јајца да се излади во фрижидер барем 10-тина минути.
- Извадете ги јајцата и измијте ги со вода од шлагот – ефектот ќе ве изненади (може прво да пробате со едно јајце).
Доколку сакате секое јајце да ви биде со различни бои, наместо еден сад, може да користите калапи за мафини и во секој калап да ставите различна боја, а јајцата да ги увалкувате посебно.
Видео постапка:
Како може да изгледаат јајцата направени со ваква техника, зависно користените бои:
М. М. | Црнобело
Би можело да ве интересира:
Препорачуваме
Најчитани неделава
