Што е среќата?


Што е среќата?

Животот кој го водиме денес е борба за подобро утре, и сите ние сме свесни за тоа. Трудот од вчера со кој денес постигнавме  голем успех, што ни донесе исполнување на душата со самото чувство на сатисфакција дека нешто со сопствени раце направено, направи да се чувстуваме среќни.

sto-e-srekata-001.jpg

Сите си применуваат различни начини за да ја постигнат поставената цел. Некои се полежерни и чекаат на судбината, а притоа не се свесни дека само времето е во нивни раце и дека треба да ја одиграат што побрзо својата улога без чекање некој друг да го направи тоа за нив.

Патот за кој што ќе се определиш е твој избор од неколку дадени алтернативи од страна на судбината.Тие патишта ќе те направат среќен или несреќен. За да си среќен единствено треба да знаеш и дека после се во тебе останала душа, срце и разум. Душа за да ги сфатиш оние кои ја немале истата среќа како тебе, срце за да знаеш да ја споделиш твојата среќа со помалку среќните и разум за да знаеш да го цениш сето тоа.

Постојат луѓе што се водат со добро познатото “ако сакам нешто да постигнам ќе направам сè без разлика за што се работи и ќе го постигнам! ” или “Ќе биде само онака како јас сакам и никако поинаку! ”.

Зошто луѓето се продаваат себе си со зборови кои немаат никаква основа?
Дали доколку биде побарано од тебе да ги ставиш на коцка најсаканите и најценетите нешта ќе го направиш тоа  само за да исполниш еден свој каприц?

Дали со она САМО ЈАС И НИКОЈ ДРУГ би успеал во овој свет каде има толку гладни луѓе кои се водат со истото мото?
Највероjатно НЕ ! Труди се да бидеш човек во оние моменти кога треба да успееш. Бори се низ патот- ЧОВЕЧКИ. Искачи се до врвот, но остани човек, за доброто на тие што те сакаат и за своjот мирен сон кога денот ќе заврши.

Среќата е збор со големо значење. Да си среќен значи да си здрав, да имаш мало засолниште исполнето со луѓе кои ги сакаш, да имаш нешто за кое ќе се бориш. А, ако не си среќен денес, ќе бидеш утре. Секој си го добива своето, а според тоа колку го вреднува следниот пат добива дупла доза.

Затоа сакајте, грешете, но, научете да не паѓате на испитите на истите искушенија , простете но не заборавајте. Всушност вие и не можете да заборавите, бидејќи никој не заборава како се чувствувал поради нечии дела (добри или лоши). Зад аголот се крие една личност која ќе ве сака со душа и тело,а позади вас ќе остане образ и ремек дело - вашиот успех/вашата среќа, постигната со ВАШ ТРУД И САМО ВАШ, се крие и куќа полна со луѓе кои се грижат за вас. Вие имате здравје, имате љубов, имате доволно средства да живеете нормален живот, ЖИВЕЈТЕ ГО!

И кога сте без сили само сетете се:

Среќата за поединци е само термин кој стои во речникот повлечен со црно мастило!

И благодариме на Елзана Чековиќ која ни го испрати овој преубав текст.

Би можело да ве интересира:

Само затоа што имаш лоши денови, не значи дека имаш лош живот Денес постои некој притисок од општеството дека во животот сè треба да ти биде н...
Можеш ти жено сè што ќе посакаш, само немој да венееш покрај лошиот ма... Што сè постигнува една жена, знае само таа, иако често и не е свесна за своите м...
Мамо, знам дека кинеше дел од својата душа, само за јас да бидам среќе... Ако не беше таа јас немаше да знам како изгледа среќно детство, немаше да ги зна...