Мамо, гушкај ме почесто, те молам

Мамо, помогни ми кога ми е тешко, утеши ме кога грешам и потфрлам. Не ме казнувај. Кога ќе пораснам, ќе верувам во себе и ќе можам да ги поддржувам другите.

Мамо, покажи ми дека секогаш можам да разговарам со тебе. A кога ќе пораснам, ќе можам да им верувам на луѓето.

Мамо, не ми забранувај да плачам, да се лутам, да бидам тажна и да се радувам. Зборувај ми за чувствата. А кога ќе пораснам, ќе се разберам себеси и ќе знам дека сè е во ред со мене.

Мамо, забележи што ми се случува. Ќе пораснам и ќе можам емотивно да бидам блиска со други луѓе.

Мамо, помогни ми кога ме тешко, утеши ме кога грешам и потфрлам. Не ме казнувај. Кога ќе пораснам, ќе верувам во себе и ќе можам да ги поддржувам другите.

Мамо, прашај ме што сакам и што ми треба. И кога ќе пораснам, ќе можам да ги разберам моите вистински желби.

Мамо, дај ми слобода, не ме контролирај цело време. А кога ќе пораснам, ќе станам одговорна личност.

Мамо, не брзај да ме направиш возрасна личност, остави ме да бидам дете, да бидам слаба и беспомошна. Еден ден ќе станам самостојна и независна.

Мамо, само сакај ме. А кога ќе пораснам, ќе се чувствувам дека вредам.

Мамо, остани со мене додека сум дете. А кога ќе пораснам, нема да патам од осаменост.

И уште нешто. Мамо, гушкај ме што почесто, те молам.

Извор