Поучна приказна: Како златникот му го расипал животот на сиромавиот чевлар?

Во едно мало село живеел сиромав чевлар по име Стојан.

Иако немал многу, секогаш пеел додека работел, а луѓето го сакале поради неговата веселост.

Неговата радост била заразна, a дури и најтажните муштерии излегувале насмеани од неговата работилница.

Во куќата до него живеел богат трговец, кој секој ден броел златници, но ретко се насмевнувал.

Еднаш, богаташот му рекол:

„Стојане, не ми е јасно како можеш да бидеш толку весел кога немаш ништо!“

Стојан му одговорил:

„Јас имам многу! Имам раце што работат, срце што сака и песна што ми ја грее душата!“

На тоа, трговецот одлучил да му подари една златна монета „за да го награди неговиот дух“.

Стојан благодарно ја прифатил и ја скрил под перницата.

Но, од таа ноќ не можел да заспие.

Се грижел некој да не му ја украде. Повеќе не пеел додека работел, туку постојано мислел на монетата. Веселоста исчезнала.

По неколку дена, ја зел монетата, отишол кај реката и ја фрлил во водата.

Потоа се вратил во работилницата, длабоко здивнал и пак почнал да пее.

Извор / фото: CRNOBELO.com - генерирано со AI