10 директорски заповеди

И покрај постоечкиот кодекс за однесување кој го имаат денешниве компании, никогаш неможете да знаете какво точно однесување се очекува од вас.

 

Затоа, некој се потрудил да ги издвои тие непишани правила. Внимавајте како се однесувате бидејќи колку и да изгледаат строги многу од следниве заповеди се реални!

1. Јас сум твој директор и не признавај никој друг кој ќе дојде на мое место во наредните два мандати освен мене!

2. Не се вклучувај во никакви форуми и комисии затоа што единствено јас можам да ти помогнам! 

3. Не го споменувај моето име, освен ако не ме фалиш!

4. Четири дена работи за себе, а петтиот за мене, моите патувања и мојата дневница!

5. Почитувај ги моите луѓе за да ти биде добро и да останеш долго мирен и спокоен во фирмата!

6. Не го убивај работниот морал на работливите, затоа што тие работат и за мене и за тебе!

7. Немој да се загледуваш во колешките, затоа што таму сигурно веќе еднаш јас сум фрлил око!

8. Не кради, затоа што не си на позиција, а и ќе заглавиш за ситна работа!

9. Не ги издавај пријателите, ќути и кога мислиш дека си во право!

10. Не го посакувај туѓото подобро работно место, затоа што не си способен ни за своето!