Симона Поповска за CRNOBELO лексикон: „Ми кажале дека имам глас како пудинг од ванила“

Детали

петок, 22 август 2025

„Како мала обожавав да истражувам и да си поставувам цели. И бев решена да се искачам на едно високо дрво на кое поголемите деца се качуваа. Се качив, но кога дојде момент да слезам, завршив неславно на една од гранките и висев надолу, додека не дојде татко ми да ме симне“ - напиша Симона во лексиконот на CRNOBELO.com.

Симона Поповска, долги години е дел од јавната сцена кај нас.

Таа е посветена мајка на две деца, сопруга, а истовремено гради и успешна кариера и во областа на музиката и во областа на медицината.

Симона се потпиша во нашиот лексикон и ни откри интересни работи за себе:

1. Како се викаш и дали имаш прекар?

Симона. А прекари? Ме викаат Моне или Мон Бонбон

2. Колку години имаш и што си во хороскоп? 

Имам 33 години, родена сум на 27 март 1992 и сум вистински Овен - тврдоглава, но со големо срце.

3. Која ти е омилена песна? А пејач и пејачка?

Тешко е да изберам една.

Од странските, Ariana Grande и The Weeknd.

А од регионалните артисти, ја почитувам Сенида за храброста во изразот.

4. А омилена книга?

„Тајната“ - секогаш ме потсетува на моќта на мислата.

5. Омилен глумец, глумица, филм, серија?

Глумец - Иан Сомерхалдер , серија - Game of Thrones.

Филм – What If и Tristan & Isolde.

6. Имаш ли омилен спорт, клуб, спортист? За кого навиваш?

Обожавам уметничко лизгање. Не сум фан на клубови, но секогаш навивам за креативност и стил.

7. Имаш ли милениче? Како се вика?

Да, куче (tea cup yorkie), името и е Сињорина.

8. Која е најчудната/најсмешната порака што си ја добила на Инстаграм?

Сакав да испратам voice порака со дел од нова песна - само брзо демо со импровизација - ама по грешка ја пратив на пациентка што чекаше термин за естетска процедура.

Таа само ми врати: ‘Прекрасен глас, докторке… ама кога ќе ми се освежи ботоксот?’ Од тогаш трипати проверувам пред да испратам нешто.

9. Што сакаше да бидеш кога ќе пораснеш?

Пејачка, доктор, мајка и волшебна вила - денеска сум првите три, четвртото зависи од денот.

10. Кој ти е омилениот пијалак? А храна?

Кафе! И mac and cheese со печен зеленчук.

11. Кој ти е најдобар другар/ка? Колку долго се дружите?

Двете мои сестри.

12. Каков ученик беше? Кој ти беше омилен предмет?

Одличен ученик со уметничка душа. Омилен предмет - македонски јазик, музичко и природа и општество.

13. Кој ти е идол (а да не е позната личност)?

Мојата мајка - нежна и силна.

14. Кога би можела да си лик од цртаните, кој лик би сакала да бидеш?

Бел од „Убавицата и ѕверот“ –-љубопитна, храбра и со големо срце.

15. Кои ти беа најомилени игри во детството?

Криенка, библиотекарка, учителка, докторка, обожавав да бојам, да редам сложувалки и, секако, правење мини концерт на моите кукли.

Продолжува на следната страница...