Животни закони

Животните закони имаат голема сличност со Марфиевите закони, но едно им е сигурно заедничко, се работи за чиста вистина...или веројатност.

Што мислите вие?

1. Закон на работилницата:

Било кој алат, кој ќе ви падне од рака ќе се истркала во најнедостапниот агол.

2. Закон на веројатноста:

Веројатноста дека некој ве гледа е пропорционална со глупоста што ја правите.

3. Закон на телефонот:

Кога вртите погрешен број, линијата нема да биде зафатена.

4. Закон за алиби?

Ако му кажете на шефот дека доцните на работа затоа што ви се дупнала гума, следното утро тоа и ќе ви се случи.

5. Закон на варијации:

Кога во ред ќе ја смените страната, тој во кој претходно сте биле ќе почне да се движи побргу од оној во кој се наоѓате.

6. Теорема на бањата:

Кога телото е потполно потопено во вода, ќе заѕвони телефон, а тој не е покрај вас.

7. Закон за блиски средби:

Веројатноста дека ќе сретнете некој познат се зголемува ако сте во друштво со некој со кого не сакате да бидете видени.

8. Закон на резултатот:

Кога сакате на мајсторот да му покажете како некој домашен апарат не работи, апаратот ќе проработи.

9. Закон на кафето:

Оној момент кога ќе седнете да го испиете штотуку свареното кафе, шефот ќе побара да направите нешто што ќе трае сè додека кафето не се излади.

10. Закон на тепихот:

Веројатноста дека парчето намачкано со џем ќе падне на намачканата страна е директно поврзана со тоа колку е тепихот нов, како и со неговата цена.

11. Закон на логичниот аргумент:

Сè е можно... ако не знаете за што зборувате.