9 љубовни лекции од срцето на мојата мудра мајка

Свесна дека нејзиното девојче прерасна во зрела девојка, таа упорно се труди да ми го олесни најнепредвидливиот пат во животот - љубовниот.

И во пресрет на моите штотуку наполнети 18 години, еве што научив од неа:

1. Јас сум совршена онаква каква што сум. И немам потреба никој да ме менува.

2. Се почитувам себеси, како би стекнала почитување од другите. Посебно од оној со кој сакам да го минам остатокот од животот.

3. Се трудам да не се изгубам себеси. А верувајте, тешко е кога до себе имате маж кој ви значи сè на светот.

4. Слушам внимателно. Се обидувам да разберам и да ги поедноставам работите.

5. Се обидувам да го добијам она што го сакам. Се фокусирам на суштината, не на совршената површина на нештата.

6. Научив да тагувам. Научив и да стојам со исправена глава тогаш и кога најмногу боли.

7. Научив да му оставам простор да биде свој.

8. Успеав да му верувам, наместо да го тестирам. Конечно го пронајдов клучот на довербата.

9. Сфатив дека сама на себе сум си најголем херој. И нема никој посилен од мене.