Им честитаме на мажите кои не патат за доминација, знаат да готват и да го смират детето кое плаче

Три пати ура за мажите на денешницата!

За разлика од минатото, кога мажот го имал првиот и последниот збор во куќата, денешните мажи во најголем дел успешно жонглираат помеѓу оставината која подразбира дека тој треба да обезбеди сè за семејството и делот кој вели дека треба да ѝ помага на жената.

На мажите во принцип, не им е воопшто лесно.

Задоени со фактот дека тие и само тие се одговорни за обезбедување покрив над главата и макотрпна работа, па тоа ти дава слобода да си ги кренеш нозете и да се исклучиш од реалноста кога сакаш.

Но, денес работите се видливо изменети.

Денешните мажи едноставно ја разбираат жената.

Кога таа ќе рече дека е уморна, дека ја боли главата, дека сака да се види со пријателките, мажот не ги доживува овие работи како каприци или будалести желби поради премногу читање на викенд-љубовни романчиња.

Напротив, тој ѝ излегува во пресрет, без да ѝ се потсмева, без да ја омаловажува.

Денешниот маж знае да се снајде за јадење, знае да си зготви. Нема инаетливо да застане и да рече: „Ќе умрам за јадење ако жена ми не е дома да ми направи ручек“.

Секако дека нема да умре за јадење, немало да умре никој и во минатото ако ги оставеле доволно долго без константно притресување и страв.

Денешниот маж прави хаос, но умее и да го среди. Не се срами да зачисти, да испазари, да го фрли ѓубрето.

Разбира дека е страшно малоумно да остава расфрлани чорапи и долна облека на подот.

Денешните мажи ја разбираат потребата од образование, ја поттикнуваат жената да ги следи соништата, го прославуваат секој успех со неа и едноставно се гордеат.

А најмногу од сè, денешните мажи помагаат со дечињата.

Апсолутно сите млади татковци кои ги познавам знаат да сменат пелена, да ги нахранат дечињата, да ги прошетаат, да ги заиграат и да ги чуваат кога е потребно.

Така што, дојдов на почетокот – три пати ура за мажите на денешницата!

И да, големината на мажот не се мери во неговата физичка сила или способноста да донесе грст пари дома, а психички и емоционално да биде исклучен од сите околу него.

Големината на еден маж е во неговата способност да се грижи за себе и за неговите сакани најдобро што умее, без притоа да се чувствува или да ја наметнува агендата дека е доминантен и најважен.

(O)Милена | Црнобело