Од срцето на една тетка: За сите внуци што љубов значат...
Спонзорирано од:
Спонзорирано од ОгласиЗаРабота.мк
Чувар 22-07-2019
Sales Assistant 22-07-2019


Од срцето на една тетка: За сите внуци што љубов значат...

Ете го седи крај мене и не прави ништо посебно, но само кога ќе ме погледне со тие кафени бадемасти очиња и ќе се насмее со таа ѕвонлива, искрена насмевка срцето ми го топи.

od srceto na edna tetka za site vnuci shto ljubov znachat 01

Не е мој, но е моја крв и за првпат во животот ми покажа како можам некого безрезервно да сакам. Јас, која се сметав за цврста, сега сум толку кршлива само ако видам и една солза на неговото лице, само ако забележам една сенка во неговиот поглед и ако почувствувам една тага во неговиот став.

Со него ги играм и најздодевните игри на светот, ги гледам и најоткачените филмови кои се далеку од мојот посакуван жанр и за миг се претворам во најодговорната домаќинка само неговите потреби да бидат комплетно задоволни. И сето тоа што во друга пригода би ми претставувало товар, сега ми е вистинско задоволство. Сите маки со него лесно го носат епитетот „слатки“ затоа што се вредни за сјајот во неговите очиња кој ќе го видам потоа.

И на моменти знам да бидам и себична и тврдоглава и конфликтна, но со него сѐ се менува. Самото негово присуство на магичен начин го буди најдоброто во мене.

Зарем не е мелем за душа некој со самото свое постоење да ве прави подобра личност? Без да бидете негов проект, без да вложува труд во вас или да ви поставува услови за тоа. Само неколку зборови се доволни неговите желби да бидат ваша заповед.

Ова мало човече има моќ да ве разнежни за миг. Само кога ќе ве нарече своја најдобра пријателка, кога ќе ви довери тајни кои ниту неговите родители не ги знаат, кога ќе ви каже дека сте најзабавната личност на светот и кога со искрен жар ви се радува секојпат кога ќе ве види.

Вие сте неговата тетка, неговата постара сестра што можеби ја нема или пак налик на неговата мајка, но во многу позабавно издание. Затоа неретко знае да ве изненади со прегратка без да побарате или бакнеж без да очекувате. И сето тоа е сосема чисто, сосема едноставно, без каква било задна намера или очекувана корист, сето тоа е само затоа што така почувствувал во дадениот миг.

Секогаш на негова страна и со зборови полни поддршка за секој негов потег, не залудно важи цитатот: „Само тетката може да прегрнува како мајка, да чува тајни како сестра и да сака како вистински пријател“.

За сите внуци што љубов значат...

©CRNOBELO.com Забрането преземање и копирање. Крадењето на авторски текстови е казниво со закон.

Автор: С. С. | Црнобело

Би можело да ве интересира:

Од срцето на една сестра: За сите сестри што љубов значат... Ја гледам, ја слушам и сфаќам дека со секој атом од своето тело таа ми посакува ...
Можеш ти жено сè што ќе посакаш, само немој да венееш покрај лошиот ма... Што сè постигнува една жена, знае само таа, иако често и не е свесна за своите м...
Не плачи сега што детето ти личи на маж ти, а не на неговиот Мерцедес И да, детето личи на него, а не на неговиот Мерцедес и сите го знаевме тоа, но т...