Поучна приказна: Старецот дури на суд сфатил зошто не треба да озборува

Еднаш одамна еден старец ширел гласини за својот млад сосед. Тој тврдел дека е крадец, па така полицијата го уапсила момчето еден ден.

За кусо време се докажало дека момчето не е виновно.

Кога го пуштиле од притвор, момчето одлучило да го тужи старецот поради лажните обвинувања.

Старецот пред судот изјавил: „Тоа беа само мои коментари. Никому не му наштетија.“

Судијата одучил да му даде една задача:

„На еден лист напиши сè што рече за момчето, а потоа искини го на парчиња и на пат до дома фрли ги парчињата низ прозорецот од автомобилот. Утре дојди во судницата за да ја слушнеш својата пресуда.“

 Старецот го направил тоа.

Наредниот ден пред соопштувањето на пресудата, судијата му кажал на обвинетиот: „Пред да ја слушнеш пресудата, сакам да излезеш надвор и да ги собереш парчињата од хартијата што ја фрли вчера низ прозорецот од својот автомобил.“

Изненадениот старец изјавил: „Не можам да го сторам тоа, ветерот ги дувна и не можам да ги пронајдам.“

Тогаш судијата му објаснил: „На истиот начин, твоите зборови и коментари можат да ги уништат честа и угледот на друга личност до таа мерка што веќе не може да се поправи. Сите треба да научиме да си го контролираме јазикот за да не бидеме робови на нашите зборови. Озборувањата се ужасни затоа што го крадат достоинството, честа, угледот и веродостојноста на личноста што e озборувана, а тоа е невозможно да се врати.“

С. С. | Црнобело