Најчестите лаги што си ги кажуваме себе и како да ги надминеме?

Лесно е да му се каже на некого да дојде до својата вистина. Но, дали и самите можете да го примените тоа за себе?

Во текот на денот илјадници зборови ги кажуваме гласно, а неколкупати повеќе кажуваме во себе. Најчесто, она што ќе го изговориме е речиси потполна вистина и со јасна поента. Проблемот се појавува кога треба да бидеме реални и отворени кон самите себе.

Замижувањето пред реалноста е голема лага која си ја приредуваме на себе, а по некое време тоа ни ја поматува перцепцијата за реалноста. Можеби навистина се тоа ситни лаги, но ако почнеме да им веруваме, веќе сме го испуштиле управувачот од свои раце и сето тоа може да отиде предалеку.

Поради тоа, кога следен пат ќе се фатите како си кажувате себе макар и најбела лага на светот, поставете си и прашања кои ќе ве стимулираат да размислите и да согледате дека реалноста е сосема поинаква.

1. „Добро е вака како што е“ кога не е

Одговорете го прашањето: „Дали навистина е добро вака како што е?“

2. „ОК сум“ во моменти кога ни оддалеку не сте

Одговорете го прашањето: „Што навистина се случува тука?“

3. „Сè се случува со причина“ кога не можете да ја лоцирате причината

Одговорете го прашањето: „Дали е прифатливо ако за ова воопшто нема причина?“

4. „Тоа е што е“ кога не можете да ја прифатите реалноста

Запрашајте се: „Дали постои опција да промените нешто, за да го промените и резултатот?“

5. „Не знам како да постапам“ во моменти кога знаете дека мора да постапите некако

Помислете што вие би советувале некој друг кој е во вашата ситуација.

6. „Целосно сум изгубен/а“, кога длабоко во себе знаете дека не сте

Одговорете на прашањето: „Што е тоа што ми одзема најмногу енергија?“

7. „Ова сигурно нема да успее“, кога воопшто не сте ни пробале

Запрашајте се: „А што ако успее?“

Ваквите потпрашања кои си ги поставуваме на себе можат многу да ни помогнат да ги надминеме ситните или крупните лаги со кои живееме. Тие ќе ви помогнат да бидете тоа што сте, но и да станете она што сакате да бидете.

Е. Д. | Црнобело