Поучна приказна: Кралот им одржал одлична лекција на селаните

Дали пречките на вашиот животен пат ве фрустрираат и обесхрабруваат? Или пак, ви даваат поттик да продолжите позрели и посилни?

Прочитајте ја оваа кратка поучна приказна и научете правилно да се носите со препреките кои ви излегуваат на патот по кој чекорите.

„Многу одамна, еден крал им наредил на своите луѓе да постават голем камен на средина на патот. Потоа се скрил и отстрана набљудувал дали некој ќе се обиде да ја отстрани карпата. 

Многу од богатите луѓе од кралството само ја заобиколувале карпата. Голем дел од нив и го обвинувале кралот дека не ги одржува патиштата, но никој од нив не направил ништо за да го тргне каменот. 

Еден ден, селанец кој носел кошница со зеленчук пристигнал до каменот. Ја оставил кошницата и се обидел да го тргне каменот од патот. По неколку напори, успеал да го истркала до шумскиот дел покрај патот. Кога се вратил до кошницата, забележал ќесе со златници и порака од кралот, во која вели дека овие пари се за оној кој ќе го тргне каменот од патот. 

Секоја пречка ни дава можност да го подобриме својот живот. Додека мрзливите се жалат дека им е тешко, трудољубивите грабаат сè што е пред нив и се борат со сите пречки. Затоа и секогаш се спремни да помогнат и да направат промени.“

Е. Д. | Црнобело