Седиме дома за доброто на послабите, доктори ни се херои - изгледа ќе нѐ биде


Седиме дома за доброто на послабите, доктори ни се херои - изгледа ќе нѐ биде

Изгледа ќе нѐ биде... Затоа што вирално споделуваме хуманитарни акции, а не политички препукувања. Затоа што во ова мрачно време сфативме дека сите сме едно.

sedime-doma-za-dobroto-na-poslabite-doktori-ni-se-heroi-izgleda-kje-n-bide-01.jpg

Изгледа ќе нѐ биде...

Затоа што во ова мрачно време сфативме дека сите сме едно.

Затоа што сфативме дека со помагање на другиот си помагаме себеси.

Затоа што научивме дека некои правила мора да се почитуваат за доброто на сите.

Затоа што почнавме повеќе да ги цениме докторите, научниците и луѓето од услужната дејност.

Затоа што вирално споделуваме хуманитарни акции, а не политички препукувања.

Затоа што седиме дома не само за своето добро, туку пред сѐ за доброто на мама, тато, баба, дедо и сите оние „послаби“ од нас.

Затоа што со збор, со аплауз, со песни, кој како знае и умее, оддаваме почит на луѓето за добросработеното.

Затоа што сфативме дека не сме семоќни и дека добро е малку да закочиме.

Затоа што им се вративме на традиционалните вредности и се потсетивме на убавината на седењето дома со семејството.

Затоа што готвењето ни стана активност што ја правиме со љубов, а не на брзање.

Затоа што ги отворивме старите албуми и се потсетивме на детството.

Затоа што се научивме на култура кога одиме во супермаркетите.

Затоа што конечно пронајдовме време за читање книги (секоја чест за оние кои и онака читаа).

Затоа што за миг престанавме да се тркаме со материјалните работи.

Затоа што и дозволивме на природата да се одмори од нас.

©CRNOBELO.com Забрането преземање и копирање. Крадењето на авторски текстови е казниво со закон.

С. С. | Црнобело 

Би можело да ве интересира:

Се мажела мома, за да седи дома! Оригиналната изрека гласи вака: „Се мажела мома, да не седи дома“. Тоа значи дек...
Не го сакаше, се омажи за него и сега си ги пакува куферите за дома секоја втора седмица Како можеше врска без љубов како нивната да заврши со брак? Имаа ли грам памет к...
Вистинска приказна на македонски камионџија – Ќе загинев на автопатот, додека не застана Бугарин да ... Замислете да сте илјадници километри далеку од дома. Возите со часови, со денови...

Спонзорирани линкови:

Најчитани неделава