Во градскиот парк во Скопје пар шеташе на дожд, без чадор, како светот да сопрел за нив – ете таква љубов!

Ако времето е дождливо и сиво, градскиот парк во Скопје е празен, а јас пак го сакам дури и таков. Некако има посебна магија, мирен, празен, некако мој.

И има уште по некој како мене, а неодамна видов пар кој сосема полека си се шеташе по влажните патеки, иако врнеше сѐ уште и немаа чадор.

Поромантично нешто не сум видела одамна.

Таква љубов секому посакувам.

Како да си беа самодоволни, како да не се грижеа за светот, како да веруваа дека само љубовта е важна.

Ниту дали ќе им се наводенат капутите или дали ќе настинат затоа што е студено, верувам дека не мислеа апсолутно на ништо.

Не се плашеа од дождот, туку уживаа во него и беа исти во тоа.

Затоа што има луѓе што уживаат во дождот, но не можат да пронајдат личност што го чувствува истото што и тие.

А овие двајца си се имаа најдено. Си беа еден на друг совршени.

Тоа што за некој е лудило, за нив беше сосема нормално.

Тоа што за друг е хаос и несакана ситуација, за нив беше право уживање.

Тоа што за некој е време соодветно да се седи дома, за нив беше време совршено за прошетка и прегратки.

Ете таква љубов посакувам секому. Љубов од која сопира сѐ околу вас.

©CRNOBELO.com Забрането преземање и копирање. Крадењето на авторски текстови е казниво со закон.

С. С. | Црнобело / фото: С. С.