„Денот кога станав горд на мојот татко“: Приказна од животот на Чарли Чаплин

Кога бев дете, татко ми ме однесе на циркус. Редот за карти беше навистина долг. Пред нас стоеше двојка со 6 дечиња. Беше повеќе од јасно дека се сиромашни. Алиштата им беа стари, но чисти. Децата беа многу среќни што ќе влезат во циркусот.

фото: pixabay.com

Кога стигнаа на ред, таткото праша за цената на билетите. Кога продавачот му ја кажа сумата, човекот видливо почна да се „туфка“ и прошепоти нешто на увото на сопругата.

Одеднаш, татко ми извади 20 долари од џебот и ги фрли на земја. Потоа се наведна, ги зеде од земјата го потчукна човекот и му рече:

„Господине, ви испаднаа парите“.

Очите на човекот му се исполнија со солзи, но тој со насмевка и благодарност одговори: „ Ви благодарам многу господине!“

Кога влегоа во циркусот, татко ми ме повлече за рака да го напуштиме редот. Затоа што тој немаше други пари освен тие 20 долари кои му ги даде на чичкото пред нас.

Од тој ден се фалам и сум горд со мојот татко. Тие две минути беа најдобрата претстава која сум ја гледал во животот. И сигурен сум дека беше подобра од онаа што ќе ја гледавме во циркусот.

Приказна од животот на Чарли Чаплин | Е. П. | Црнобело