Сите имаме по една другарка со која имаме милион спомени, а ниту една фотка – таа ни е сродна душа


Сите имаме по една другарка со која имаме милион спомени, а ниту една фотка – таа ни е сродна душа

Сите ние имаме по една другарка со која имаме милион заеднички спомени, а ниту една заедничка фотографија. Звучи како пост на социјалните мрежи, но навистина е така.

Site-imame-po-edna-drugarka-so-koja-imame-milion-spomeni-a-nitu-edna-fotka-koja-e-taa-01.jpg

Секој од нас, за жал има барем по една другарка со која што имал безброј луди и незаборавни моменти, а потоа се случил животот.

Некоја од двете се преселила. Некоја од двете си заминала. Некоја се посветила на кариерата. На семејството. Останале само бледите фотографии направени некогаш во минатото, убавите спомени и секако долгите разговори на интернет.

Во миговите кога сме најсреќни и најтажни, ги бараме овие другарки, сакаме со нив да ги споделиме миговите. Така, завршуваме со долги разговори на телефон, на видео повик или со реферати испишани во пораки. 

Додека траат долгите разговори на интернет посакуваме само на миг да можеме да ја прегрнеме другарката и да ја почувствуваме топлината и блискоста.

Во миговите кога споделуваме фотографии од најблиските посакуваме да имаме барем една понова заедничка фотографија со таа сакана личност, но за жал ја немаме – ни недостасува, ама сме среќни затоа што, иако животот можеби нè попречил да бидеме поблиску, сепак се имаме една со друга, за лошо, за добро.

И најважно е тоа што во миговите кога ќе се видиме со таа другарка, како времето да застанало – разговорите продолжуваат таму каде што застанале последниот пат, а фотографии повторно забораваме да направиме, затоа што немаме време - не можеме да се доискажеме што сè имаме да си кажеме.

И двете имаме по нешто да си кажеме што сме го чувале за средбите кога ќе се видиме очи во очи иако секојдневно си пишуваме или се слушаме.

Сите имаме по една другарка што често ни е во мислите, знаеме дека што и да направиме, таа ќе нè разбере и ќе нè сака такви какви што сме, со сите маани и недостатоци, затоа што на крајот на краиштата таа е нашата сродна душа. 

Иако немаме голем број заеднички фотографии, секогаш кога ќе помислиме на таа личност нè греат убавите спомени и среќните мигови што сме ги поминале заедно.

Која е вашата пријателка со која имате безброј среќни спомени, а ниту една фотографија?

©CRNOBELO.com Забрането преземање и копирање. Крадењето на авторски текстови е казниво со закон.

Б. С. Б. | Црнобело

Би можело да ве интересира:

Дајте ѝ на жената погрешни чевли… и таа повторно ќе го освои светот Кој одлучи дека жената може да го освои светот само доколку носи соодветни чевли...
Ќе бидеме џентлмени кога вие ќе почнете да се однесувате како дами Екстремното доцнење не било, ниту пак некогаш ќе биде во мода. Доцните повеќе од...
Следен пат кога ќе се грижиш дека немаш нов фустан - сети се дека има жени кои се среќни што се вооп... Ако некогаш се пожалиш дека градите ти се мали, дека имаш неколку килограми вишо...

Најчитани неделава

sonovnik-sidebar.jpg