Дневник: жена сама на одмор

Мојот одмор на крстарење – сама, без мажот кој остана дома за да го развива бизнисот. Знаете, мора од нешто да се живее. Си пишував дневник.

Вака си поминував:

Ден 1

Спремна сум за ова прекрасно крстарење. Си ги понесов најубавите фустани. Уф ама сум возбудена!

Ден 2

Цел ден бевме на море. Беше преубаво. Видов неколку делфини и морски китови. Колку убаво ми започна одморот. Денес се сретнав со капетанот и ми се виде интересен.

Ден 3

Цел ден бев на базен, нуркав и играв голф. Капетанот ме повика да вечерам со него. Ми беше чест. Многу е згоден и забавен.

Ден 4

Бев во казино и добив 110 евра. Капетанот ме повика на вечера во својата кабина. Школки, кавијар, шампањ... Ме покани да останам со него, но јас го одбив. Му реков дека не сакам да го изневерам сопругот.

Ден 5

Повторно бев на базенот и малку изгорев на сонце. Отидов во пијано барот и таму го поминав остатокот од денот. Капетанот ме покани на пијачка, навистина е многу љубезен. Повторно ме праша дали сакам да ја поминам ноќта со него и повторно го одбив. Тогаш ми се закани дека ако не одам со него во кревет ќе го потоне бродот. Останав скаменета.

Ден 6

Денес им го спасив животот на 1.600 луѓе... Четири пати!!! Многу сум среќна!