Приказната за осамената жена, која си нашла другарки и си живеела среќно до крајот на животот

 Си била една Осамена жена, била вдовица и имала 68 години...

Првата година по смртта на сопругот бесцелно кружела низ големиот стан, размислувала за смртта и немала волја за живот.

Иако имала дијабетес, одлучила да јаде колачи и сладолед во прекумерни количини. Сакала да си наштети, но времето минувало, а таа не можела да умре, морала да живее.

Нејзиниот син со семејството живеел во друга земја со години. Снаата си ја имала видено вкупно трипати, а внуката петпати.

Можела да отиде да живее кај нив, ја викале, но не сакала, тоа ѝ било туѓ свет, туѓ јазик ѝ изгледало полошо од смртта.

„Омажи се повторно. Не можеш да живееш сама“, ја советувале пријателите и постојано ја запознавале со разни постари мажи, а секој еден од нив ѝ предизвикувал исто чувство – мачнини во стомакот и нагон за повраќање.

Сепак, осаменоста била неподнослива.

И еден ден таа одлучила на својот Фејсбук профил да објави повик: „Поканувам постара, осамена жена да живееме заедно.“

Оттогаш, веќе 8 години Осамената жена повеќе не е осамена, а животот ѝ изгледа како празник и прослава секој ден.

Три постари, ведри госпоѓи го слават своето постоење.

Ги здружија своите животи, своите пензии, своите интереси.

Поседуваат автомобил, викендичка и добар бизнис со изнајмување на недвижнини.

Живеат заедно, се шетаат по паркови, пливаат во базени, одат на кино, театар, изложби, концерти.

Секаде се добредојдени гостинки и двапати годишно одат на одмори во најдобрите ресорти на разни егзотични дестинации низ светот.

И најдобро од сè е што уште се немаат скарано.

Извор: Фејсбук /  фото: depositphotos.com