Неговото прво и последно ѕвездено небо, прегратките со дечиња – Моменти од последниот концерт на Тоше Проески, пред 15 години (фото+видео)

„Добра вечер Македонијо“ - поздравот со милозвучен глас кој ни ја гали душата и ни го ежи телото, моментот кога побара свое ѕвездено небо, несебичната љубов која им ја даваше на фановите со прегратки и допири по рацете кои ги подаваа по него, неверојатната енергија и среќа со која зрачеше додека пееше за последен пат пред публиката во Скопје... Моменти од последниот концерт на Тоше кои секогаш ќе ги паметиме. 

Поминаа цели 15 години од последниот концерт на Тоше Проески, кој се одржа на Градскиот стадион во Скопје на 5-ти октомври 2007 година, пред огромна публика. 

Само 11 дена подоцна, трагично го загуби својот живот во сообраќајна несреќа, а болката по него никогаш не стивнува.

Хуманиот човек со огромно срце и ангелски глас, кој гордо нè претставуваше пред светот, никогаш нема да биде заборавен, а на овој ден, се потсетуваме не неговиот последен концерт, кој го одржа со посебна енергија која не се опишува со зборови. 

Оние кои беа присустни, засекогаш ќе го чуваат овој спомен во себе, а за среќа постои целосна снимка со која може да се потсетуваме на извонредниот концерт, кој истовремено ни ја топли душата, но и ни предизвикува болни искри во стомакот. 

Во продолжение истакнуваме неколку клучни моменти од последниот концерт на Тоше Проески: 

„Добра вечер Македонијо“ – извика громогласно на почетокот од концертот, со милозвучен глас кој ни ја гали душата и ни создава морници кога денес го слушаме.

Моментот кога посака следниот концерт за неколку години да биде со уште пополн стадион, но никогаш не стигна да си ја исполни желбата

„Како проаѓа времето и другите концерти сѐ поназад се повлекуваме со сцената. Се надевам дека на следниот концерт кој ќе се случи за неколку години, сцената ќе биде на крајот од стадионот. Да ви се заблагодарам на вас бидејќи вие сте најзаслужни вечерва за ова што се случува.“ – вака Тоше го започна својот трет концерт, но за жал не успеа да ја исполни својата желба, бидејќи само 11 дена подоцна трагично го загуби животот во сообраќајна несреќа.

Уште еднаш покажа колку хуман човек е и на почетокот на концертот ја искористи приликата да најави дека станува збор за хуманитарен концерт

„Денес сме на мое огромно задоволство на трет концерт мој, а посебно ми е чест што е хуманитарен и тоа дел од кампањатa на УСАИД. Сите средства кои ќе бидат собрани вечерва од картите се ваша донација за обновување на училиштата основни во Република Македонија“.

Несебично им ја даваше својата љубов на фановите во први редови и секојпат со насмевка им подаваше рака

Секогаш беше преполн со љубов и разбирање за секого, па така на најмалите фанови секојпат им беше дозволено да се качат на бина, да добијат прегратка од него и да му подарат нешто

Не пропушти шанса да им се посвети на членовите на неговиот бенд и имаше повеќе точки со нив

Се воодушеви од тоа колку публиката на цел глас ги пееше песните од неговиот нов албум

„Просто е неверојатно за колку кратко време ги научивте текстовите. Морам да ви признаам дека јас се сомневам во себе кога се најновиот албум и текстови во прашање.“

Призна дека „Душа остана“ му била фаворит од песните на новиот албум до тој момент

Со неверојатна енергија ги отпеа најновите песни од албумот „Игри без граници“, танцуваше и зрачеше со среќа

Уште неколку моменти + целото видео од концертот, погледнете на следната страна...