Ја запознав најубавата жена (немаше ниту совршени заби, ниту најголеми гради)

Нема ниту најдолги нозе, ниту најистакнат задник, ниту совршени црти, но во секоја просторија нејзината енергија ја има најмногу. Каде и да се појави, таа доминира. Не е од оние ледените принцези кои како по јајца одат за да не ја расипат совршената фризура и кои внимаваат на секој потег и збор. Таа е луда бура која доаѓа, те зафаќа и убаво ти е...

Ја запознав најубавата жена досега.

И воопшто не ги задоволува општествените „стандарди за убавина“.

Ниту е доволно висока, ниту е доволно „надарена“ (како што би рекле некои мажи).

Но, е доволно ведра, доволно харизматична и доволно интелигентна.

Се смее како никој да не ја слуша,

Танцува како никој да не ја гледа,

Живее како да нема утре,

Ги гушка сите искрено и од срце,

Го почнува и го завршува денот со насмевка,

Му се радува на животот како дете,

На сонцето,

На паркот,

На патувањата,

На новиот приврзок за клуч...

Не ѝ треба неа многу за среќа,

Среќата е во неа,

Таа е среќата.

Зрачи убавина од неа.

Нема холивудска насмевка, ниту истетовирани веѓи, ниту надградби на коса, ниту вештачки нокти...

Нема ниту најдолги нозе и најистакнат задник, но во секоја просторија нејзината енергија ја има најмногу.

Каде и да се појави, таа доминира.

Каде и да помине, таа остава впечаток.

Кого и да запознае, останува незаборавена.

Луѓето некако природно и однатре нешто ги тера да минуваат време со неа.

Не е од оние ледените принцези кои како по јајца одат за да не ја расипат совршената фризура и кои внимаваат на секој потег и збор.

Таа е луда бура која доаѓа, те зафаќа и убаво ти е.

Таа е животна искра.

Таа е заразна страст за животот.

За мене, таа е најубавата жена што ја познавам.

©CRNOBELO.com Забрането преземање и копирање. Крадењето на авторски текстови е казниво со закон.

С. С. | Црнобело