Си го обожавам животот затоа што ТИ (сопругу) си во него

Ние, со сопругот, не гледаме политички дебати и црна хроника, не функционираме по правила и прописи, на страна од работното време. Едноставно, живееме лабаво. Го правиме тоа што го сакаме. Се смееме 24/7. Крајно сме несериозни за годините. Но, и екстремно среќни во дадените околности.

Ние не гледаме политички дебати и црна хроника,

Ние не дебатираме кој министер е во право, а кој погрешил.

Ние не функционираме по правила и прописи, на страна од работното време.

Едноставно живееме лабаво.

Го правиме тоа што го сакаме.

Се смееме 24/7.

Крајно сме несериозни за годините.

Но, и екстремно среќни во дадените околности.

Животот ни е една низа од насмевки, глупави шеги, песни без поента.

Си даваме ветер во грб и за најлудите соништа.

И си велиме „браво, најдобар/а“ си на работа.

Не, не, всушност си велиме „браво најдобар/а си во сè“.

Ти си најдобар кулинар, ти си најдобар сопруг/а, „Леле, што би правел/а да те нема“... си кажуваме секојдневно.

И искрено тоа го мислиме.

Мене сопругот ми го прави животот подобар.

Никогаш, никогаш потежок!

И буквално не го сфаќам оној шеговит совет „Никако не се мажи!“ за немажените девојки.

Добро, свесна сум дека има секакви ситуации и ќе кажам дека среќна сум што никогаш не сум почувствувала такво нешто на своја кожа, па да делам таков тип на совети.

За мене бракот не е институција, која мора да се почитува.

За мене бракот е љубов и тој потпис автоматски ми доаѓа да го почитувам во име на љубовта која ја чувствувам за таа личност.

За таа личност не би ни сакала да замислам што би било ако ја нема.

Никој не ме разбира подобро.

Никој не е толку сериозно несериозен како мене, освен партнерот, кога се во прашање ставовите за животот.

Никој не знае така да ме помислува по главата наместо да ме праша „Што ти е“, како сите други, кога не сум добро.

Да се биде во брак е најубавото нешто на светот.

Со некого буквално делиш сè.

И несвесно на дневно ниво стануваш едно.

Преземаш карактеристики од таа личост, таа презема од тебе.

Буквално функционирате како едно цело.

За бракот? Сè најдобро!

Се надевам исто мислиме...

©CRNOBELO.com Забрането преземање и копирање. Крадењето на авторски текстови е казниво со закон.

С. С.| Црнобело