Факти кои веројатно не сте ги знаеле за „Убавицата и Ѕверот“

Додека со нетрпение ја очекуваме премиерата закажана на 17-ти март со Ема Вотсон и Ден Стивенс во главните улоги, тука е последниот официјален трејлер на „Убавицата и ѕверот“ со сета своја магија на оригиналната бајка.

Но, пред да го вкусиме римејкот на филмското остварување, време е за 10 факти кои веројатно не сте ги знаеле за познатиот цртан филм со истоимениот наслов:

Витражното стакло на почетокот на цртаниот ја содржи латинската поговорка: „Vincit qui se vincit“, што во превод значи: „Оној кој ќе се надвладее себеси, е двоен победник“.

Вистинското име на Ѕверот е Принц Адам, иако никаде не се споменува во цртаниот филм.

Ѕверот е комбинација од повеќе животни, но неговите сини очи не се менуваат.

Статуите кои се во замокот ги претставуваат првичните верзии како што Ѕверот го замислувале да изгледа.

Бела е првата принцеза на Дизни со кафеава боја на косата.

Сино-белото фустанче и фризурата на Бела се инспирирани од малата Дороти од „Волшебникот од Оз“.

Бела несвесно ја чита својата животна приказна од книгата која ќе ја изеде овчичката покрај фонтаната.

Шолјичката Чип е единствениот од послугата кој ѝ се обраќа на Бела со нејзиното име.

Името на верниот придружник на Гастон – Lefou во превод од француски значи Будалата.

Чадот употребен во сцената каде што Ѕверот се трансформира бил вистински, не анимација.

(O)Милена | Црнобело